Spadarožnik zafiksavaŭ nastupstvy načnoha ŭdaru USU pa rasijskim aeradromie ŭ Lipiecku
Spadarožnikavyja zdymki Planet Labs ad 9 žniŭnia, jakija jość u rasparadžeńni prahramy «Schiemy» ŭkrainskaj słužby «Radyjo Svaboda» pakazvajuć nastupstvy ŭdaraŭ ukrainskich vojskaŭ pa aeradromie «Lipieck», što pobač z adnajmiennym horadam u Rasii.
Zhodna sa zdymkami, šerah pamiaškańniaŭ aeradromu, jakija mahli vykarystoŭvacca ŭ jakaści składoŭ, całkam źniščanyja, a ŭ rajonie, imavierna, adbyŭsia maštabny pažar.
Na ziamli taksama bačnyja dva kratary, jakija mohuć być vynikam traplańnia rakiet abo bieśpiłotnikaŭ, što vykarystoŭvajucca USU dla naniasieńnia ŭdaraŭ.
Jak paviedamlaje Hienštab Ukrainy, u noč z 8 na 9 žniŭnia ŭkrainskija vajskoŭcy nanieśli ŭdary pa rasijskich składach z kiravanymi bombami (KAB) i pa šerahu inšych abjektaŭ u rajonie Lipieckaha aeraporta. U pryvatnaści, źniščanaja adna radyjołakacyjnaja stancyja zienitnaha rakietnaha kompleksu S-350, paviedamili ŭ hienštabie. U viedamstvie taksama adznačyli, što ŭ vajennaj apieracyi ŭdzielničali padraździaleńni rakietnych vojskaŭ, siłaŭ śpiecyjalnych apieracyj, Słužby biaśpieki Ukrainy i siłaŭ bieśpiłotnych sistem USU.
Ranicaj infarmavanaja krynica «Radyjo Svaboda» ŭ siłavych strukturach Ukrainy paviedamiła, što na aeradromie «Lipieck» znachodzicca niekalki dziasiatkaŭ źniščalnikaŭ, viertalotaŭ i składoŭ, dzie zachoŭvajecca bolš za 700 KAB.
Pavodle infarmacyi telehram-kanała «Astra», paśla ataki bieśpiłotnika na aeradromie pad Lipieckam zahareŭsia skład z bojeprypasami. U abłasnym upraŭleńni MNS paćvierdzili pažar na vajskovym aeradromie.
Čatyry nasielenyja punkty, raźmieščanyja pobač z aeradromam, byli evakujavanyja.
Rasijski Lipieck padvierhnuŭsia masiravanaj atacy dronaŭ. U niekatorych vioskach idzie evakuacyja
«Usio štatna», ale miery prymajucca. Što ciapier adbyvajecca vakoł Kurskaj AES
Minabarony Rasii paviedamiła ab «praduchileńni rejdaŭ USU ŭhłyb Kurskaj vobłaści»
U Kurskaj vobłaści ŭkraincy źniščyli rasijskuju vajskovuju kałonu VIDEA
Kamientary