Troje chłopčykaŭ padpalvali pietardy na poli — i spalili 20 ton sałomy
Zdareńnie adbyłosia ŭviečary 21 žniŭnia pablizu vioski Vialikaja Karaleŭka Horackaha rajona.
![](http://nashaniva.com/img/w840d4webp1/photos/z_2024_08/saloma240822-u2zoc.jpg.webp)
Skrynšot videa MNS
Troje padletkaŭ padpalvali pietardy na poli pobač ź ciukami sałomy. Pakolki ŭ chłopcaŭ nie było dastatkova zapałak, jany vyrašyli raźvieści vohnišča, kab padtrymać ahoń, paviedamlaje MNS
Połymia imhnienna pierakinułasia na sałomu. Chłopčyki pasprabavali patušyć ahoń, ale ich namahańni apynulisia biespaśpiachovymi. Jany pabiehli dadomu i paviedamili darosłym pra zdareńnie.
Dziadula adnaho z chłopcaŭ patelefanavaŭ u MNS i paviedamiŭ pra pažar. Ratavalniki prybyli na miesca zdareńnia i likvidavali ŭzharańnie. U vyniku pažaru było źniščana 20 ton sałomy, adnak udałosia vyratavać jašče 20 ton. Paciarpiełych niama.
Kamientary