La Hrodna miascovy majstar pabudavaŭ dakładnuju pamienšanuju kopiju Ejfielevaj viežy prosta ŭ siabie na ŭčastku FOTY
Na ŭsio pajšoŭ miesiac pracy. Choć, pryznajecca mužčyna, možna było zmantavać i chutčej, piša Newgrodno.by
Miascovaja słavutaść źjaviłasia ŭ ahraharadku Hoža. Vierchavinu viežy možna zaŭvažyć navat z trasy, što viadzie ad abłasnoha centra da punkta propusku «Pryvałka» na miažy ź Litvoj, što praŭda, zakrytaha,tamu pa darozie ŭ asnoŭnym jeździać miascovyja. A jany da viežy pryvykli.
Anatol niaprošanym haściam nie ździviŭsia, kaža, prychodziać na fotasiesiju da viežy nie tolki miascovyja žychary, byvajuć i zajezdžyja. Fatahrafavacca jon nie zabaraniaje.
A zaadno raspaviadaje padrabiaznaści ab niezvyčajnym budynku. Vyšynia viežy — 10 mietraŭ! Heta dakładnaja pamienšanaja kopija sapraŭdnaj Ejfielevaj viežy ŭ maštabie 1:33.
Darečy, vaha kanstrukcyi amal dźvie tony. Sabrana jana z bolš čym 2000 detalaŭ. Kožnaja, darečy, vyrablałasia asobna.
«U hetym i składanaść, i niezvyčajnaść pracy, bo dosyć niaprosta vykanać usie praporcyi», — raspaviadaje majstar.
Na ŭsio pra ŭsio patraciŭ miesiac. Ale, pa słovach Anatola, možna było b i chutčej. Prosta pieraklučaŭsia na inšyja zadačy. Naprykład, vierchniuju častku viežy (mietry 3-4 vyšynioj) jon sabraŭ litaralna za dzień. «Prosta byŭ taki nastroj», — adznačaje mužčyna.
Navošta pabudavaŭ viežu? Pryjšła ideja, značyć treba było jaje realizavać. Dla Anatola niama słova «niemahčyma». Jon ličyć, što čałavieku ŭsio pad siłu, hałoŭnaje zachacieć. «Kali chtości buduje takija, to čamu ja nie zmahu?» — z uśmieškaj pytajecca Anatol.
Jon toj samy čałaviek, pra jakoha kažuć, maŭlaŭ, załatyja ruki. Nidzie śpiecyjalna nie vučyŭsia, ale materyjał, niachaj heta budzie mietał ci dreva, adčuvaje idealna.
Uvieś dvor — u jaho tvorach. Na dachu altanki staiŭsia paciešny mietaličny cmok.
A pobač z Ejfielevaj viežaj «vyras» vielizarny dźmuchaviec. Na toje, kab vyrabić kvietku, syšło 1,5 kiłamietra drotu. Niahledziačy na toje, što jon zrobleny ź mietału, dźmuchaviec vyhladaje biazvažkim: zdajecca, padźmie viecier i jaho «parašuciki»-nasieńnie raźlaciacca pa navakolli.
Svaimi rukami majstar pabudavaŭ i altanku. Skłaŭ u joj pieč-kamin. Sam ža źbiraŭ i pieč dla łaźni, uładkoŭvaŭ jaje. Tut užo možna zaŭvažyć jaho majsterstva ŭ pracy z drevam. Składany stolik pieratvarajecca va ŭśmiešlivy tvar zachavalnika łaźni. Pobač niekalki niezvyčajnych karcin z dreva.
Eks-palitźniavolenaja raskazała, jak vychodziła pa pamiłavańni i pra toje, što čuvać pra Kaleśnikavu1
Kamientary
Zdajecca, u biełarusaŭ z 2020 hodu tolki adzinaja mara. Chaj stanie rečaisnaściu!