U vioscy Kurejka ŭ Krasnajarskim krai pastavili ŭžo treci pomnik Stalinu
Pieršy raniej utapili, a druhi źnieśli.
U vioscy Kurejka ŭ Krasnajarskim krai pastavili ŭžo treci pomnik Stalinu, ustanoŭku 3,5-mietrovaha bronzavaha pomnika apłaciŭ biznesoviec Hienadź Čarnuškin, piša «Mieduza».
![](http://nashaniva.com/img/w732d4webp1/photos/z_2024_08/stalin240822-7yj6h.jpg.webp)
Biznesoviec patłumačyŭ heta tym, što «turyzm u krai raźvivać možna, treba».
U siale Kurejka Stalin adbyvaŭ ssyłku z 1914 pa 1916 hady. Jašče pry žyćci Stalina, u 1952 hodzie, u Kurejcy rukami źniavolenych pabudavali Muziejny kompleks z panteonam i 10-mietrovaj skulpturaj Stalina.
Paśla śmierci tyrana muziej začynili, a ŭ 1961 hodzie pomnik pryviazali da traktara i ŭtapili ŭ Jenisiei.
U 2006 hodzie jašče adzin miascovy biznessoviec, Michaił Panamaroŭ, zachacieŭ adnavić muziej i ŭstalavaŭ novuju hipsavuju statuju Stalina. Ale jaje źnieśli ŭviečary taho ž dnia.
Kamientary