Škoły Kurska, Kurčatava i jašče vaśmi rajonaŭ Kurskaj vobłaści pieravodziać na dystancyjnaje navučańnie
Navučalny hod u škołach Kurska, Kurčatava, Lhova i jašče vaśmi rajonach Kurskaj vobłaści pačniecca z dystancyjnaha farmatu navučańnia, paviedamiŭ kiraŭnik rehijona Alaksiej Śmirnoŭ.
![](http://nashaniva.com/img/w840d4webp1/photos/z_2024_08/-tc3sm.jpg.webp)
Havorka idzie ab Biełaŭskim, Vialikasałdackim, Hłuškoŭskim, Korenieŭskim, Lhoŭskim, Rylskim, Sudžanskim, Chamutoŭskim rajonach vobłaści, dzie raniej była abvieščanaja abaviazkovaja i dobraachvotnaja evakuacyja žycharoŭ z-za nastupu USU.
Jašče ŭ siami rajonach — Dźmitryjeŭskim, Konyšaŭskim, Kurčataŭskim, Miedvianskim, Abajanskim, Akciabrskim, Kurskim — arhanizujuć źmiašany vočna-dystancyjny farmat navučańnia.
U astatnich municypalitetach zaniatki buduć prachodzić jak zvyčajna, ale baćkam dazvolać pry nieabchodnaści pieravieści dziaciej na dystancyjny farmat.
Što da VNU i technikumaŭ, ich kiraŭnictva samastojna prymie rašeńnie ab farmacie praviadzieńnia zaniatkaŭ.
Kamientary