Mufcij Vałhahradskaj vobłaści: Tych, chto zachapiŭ zakładnikaŭ u kałonii, treba tolki źniščać
Isłamistaŭ, jakija zładzili zachop zakładnikaŭ u papraŭčaj kałonii №19 u Vałhahradskaj vobłaści, treba źniščyć. Pra heta «Hazietie.Ru» zajaviŭ mufcij rehijanalnaha Centralnaha Duchoŭnaha ŭpraŭleńnia musulman Bata Kifach.
«My ŭžo stelefanavalisia z usimi orhanami, kali jakaja dapamoha patrebnaja ad nas — my hatovyja. Ale, ščyra kažučy, z takimi sa złačyncami pieramovaŭ nie pavinny być — tolki źniščać.
Heta značyć treba piśmiennuju dobruju apieracyju pa vyzvaleńni pavinny pravieści i źniščyć hetych stvareńniaŭ na miescy. Tolki tak. I pakarać, chto dapuściŭ voś hetuju chałatnaść u takich kałonijach», — skazaŭ jon.
Mufcij nie zmoh paćvierdzić infarmacyju ŚMI pra toje, što ŭ kałoniju nakiravali mułu z Vałhahradskaj miačeci dla pieramovaŭ z buntaŭščykami.
Zachop zakładnikaŭ adbyŭsia 23 žniŭnia padčas pasiadžeńnia dyscyplinarnaj kamisii ŭ PK №19. Pry zachopie kałonii zahinuli try čałavieki. Piać čałaviek, u tym liku adzin viazień, zdoleli ŭciačy. Siarod tych, kamu ŭdałosia vyjści za terytoryju kałonii — načalnik PK №19 Andrej Dziaviataŭ, ale jon znachodzicca ŭ reanimacyi.
Pavodle papiarednich źviestak, kałoniju zachapili čatyry čałavieki. jakija zajavili pra svajo dačynieńnie da «Isłamskaj dziaržavy!», prynamsi na videa jany vykrykvajuć isłamisckija łozunhi.
Krynicy ŚMI śćviardžajuć, što bajeviki zapatrabavali $2 młn i viertalot ź piłotam, a taksama paprasili adnaho z zakładnikaŭ źviarnucca da Uładzimira Pucina.
-
ZŠA pryhrazili źniać abmiežavańni na zbroju dla Ukrainy, kali KNDR ustupić u vajnu
-
«Mihracyjnaja palityka stanie bolš žorstkaj». Litoŭski ekśpiert acaniŭ pieramohu sacyjał-demakrataŭ na vybarach u Litvie
-
Prapahanda pościć videa ab «niehaścinnym pryjomie Analeny Bierbak u Kitai». Voś jak zrobleny hety fejk
Hrodna staić na vušach paśla pryznańnia papularnaha haradskoha sajta «ekstremisckim». Ale na hetym nie skončyłasia33
Kamientary