U Brasłavie dzieviacihadovaja dziaŭčynka raspaviała mamie, što stała achviaraj piedafiła. Ale taja joj nie pavieryła
Tady dzicia paskardziłasia nastaŭnikam, i padazravanaha zatrymali.
U Brasłavie zatrymali 23-hadovaha mužčynu, jakoha padazrajuć u seksualnym hvałcie nad dzieviacihadovaj dziaŭčynkaj. Pavodle źviestak milicyi, zatrymany pražyvaŭ pa susiedstvie ź siamjoj školnicy, byŭ u daviernych adnosinach ź dziaŭčynkaj.
Adnak u adzin ź dzion, kali dziaŭčynka pryjšła da jaho ŭ dvor, jon zaciahnuŭ jaje ŭ haspadarčuju pabudovu i ździejśniŭ dziejańni seksualnaha charaktaru.
Pra zdareńnie dzicia raspaviała maci, ale taja joj nie pavieryła. Tady dziaŭčynka źviarnułasia pa dapamohu da nastaŭnikaŭ, a tyja paviedamili ŭ milicyju.
Śledčyja raspačali kryminalnuju spravu za hvałtoŭnyja dziejańni seksualnaha charaktaru ŭ dačynieńni da zaviedama małaletniaj. Fihurantu pahražaje da 15 hadoŭ pazbaŭleńnia voli.
Kamientary