U Breście jašče dziesiać čałaviek pačali sudzić za pratesty 2020 hoda
Siarod ich — palitviazień, jakoha ŭžo asudzili za kłasy ŭ «Adnakłaśnikach», i jahonaja žonka.
U Leninskim sudzie Bresta siońnia paralelna raspačalisia dva pracesy pavodle č. 1 art. 342 KK (aktyŭny ŭdzieł u dziejańniach, što hruba parušajuć hramadski paradak).
Ahułam sudziać 10 čałaviek. Heta Dzianis Andraščuk, Hienadź Vasiluk, Mikałaj Pratasievič, Raman Parfionaŭ, Hanna Vasiluk, Kirył Ratčankaŭ, Alaksiej Šydłoŭski, Arsienij Paško, Alaksandr Sierhijevič, Alaksandr Klutko. Ich spravy razhladajuć Andrej Hruško i Śviatasłaŭ Kalina.
Hienadziu Vasiluku ŭ lutym prysudzili paŭtara hoda kałonii z-za troch «kłasaŭ» u «Adnakłaśnikach». Ciapier taksama sudziać jaho žonku Hannu Vasiluk.
Niekatoryja z abvinavačanych užo fihuravali ŭ publikacyjach siłavikoŭ. Miarkujučy ź ich, usich 10 ludziej abvinavačvajuć mienavita va ŭdziele ŭ pratestach 10 žniŭnia 2020-ha ŭ Breście, piša «Bieraściejskaja Viasna».
Kamientary