У Брэсце яшчэ дзесяць чалавек пачалі судзіць за пратэсты 2020 года
Сярод іх — палітвязень, якога ўжо асудзілі за класы ў «Аднакласніках», і ягоная жонка.
У Ленінскім судзе Брэста сёння паралельна распачаліся два працэсы паводле ч. 1 арт. 342 КК (актыўны ўдзел у дзеяннях, што груба парушаюць грамадскі парадак).
Агулам судзяць 10 чалавек. Гэта Дзяніс Андрашчук, Генадзь Васілюк, Мікалай Пратасевіч, Раман Парфёнаў, Ганна Васілюк, Кірыл Ратчанкаў, Аляксей Шыдлоўскі, Арсеній Пашко, Аляксандр Сергіевіч, Аляксандр Клютко. Іх справы разглядаюць Андрэй Грушко і Святаслаў Каліна.
Генадзю Васілюку ў лютым прысудзілі паўтара года калоніі з-за трох «класаў» у «Аднакласніках». Цяпер таксама судзяць яго жонку Ганну Васілюк.
Некаторыя з абвінавачаных ужо фігуравалі ў публікацыях сілавікоў. Мяркуючы з іх, усіх 10 людзей абвінавачваюць менавіта ва ўдзеле ў пратэстах 10 жніўня 2020-га ў Брэсце, піша «Берасцейская Вясна».
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары