Aršanskaha čynoŭnika, letaś asudžanaha za karupcyju, znoŭ zaŭvažyli pobač z kiraŭnikami
Aršanskija ŚMI apublikavali fotaspravazdaču z naviedvańnia ministram sielskaj haspadarki i charčavańnia Anatolem Linievičam niekatorych kałhasaŭ Aršanskaha rajona. Na adnym sa zdymkaŭ paznali čynoŭnika, jakoha tolki letaś asudzili za karupcyju, piša telehram-kanał «Vitiebsk, ja hulaju!»
Źleva ad Linieviča staić Andrej Kanstancinaŭ, jakoha vydajuć žoŭtyja akulary. Jašče letaś jon byŭ namieśnikam staršyni Aršanskaha rajvykankama, uznačalvajučy ŭ im upraŭleńnie pa sielskaj haspadarki.
U minułym hodzie Kanstancinava sudzili pavodle karupcyjnaha artykuła — tady jamu dali 4 hady ŭmoŭna. Pry hetym sankcyja hetaha artykuła zvyčajna praduhledžvaje i zabaronu zajmać kiraŭničyja pasady.
Ale voś praz hod jon źjaŭlajecca na fota razam ź Linievičam i ciapierašnim načalnikam upraŭleńnia pa sielskaj haspadarcy Aršanskaha rajvykankama.
Vyśvietliłasia, što eks-čynoŭnik ciapier źjaŭlajecca pamočnikam kiraŭnika sialanskaj fiermierskaj haspadarki «START TS».
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»5
Kamientary