Namieśnika načalnika BČ Siarhieja Sizina zvolnili za parušeńnie karupcyjnaha zakanadaŭstva
Adpaviednaja pastanova była apublikavanaja na Nacyjanalnym pravavym partale.
![](http://nashaniva.com/img/w840d4webp1/photos/z_2024_08/sizin240815-t9cpl.jpg.webp)
Namieśnika načalnika BČ Siarhieja Cizina zvolnili za parušeńnie piśmovaha abaviazacielstva, praduhledžanaha zakanadaŭstvam ab baraćbie z karupcyjaj. Adpaviednaja pastanova była apublikavanaja na Nacyjanalnym pravavym partale.
«Vyzvalić Sizina Siarhieja Fiodaraviča ad pasady namieśnika Načalnika dziaržaŭnaha abjadnańnia «Biełaruskaja čyhunka» ŭ suviazi z parušeńniem rabotnikam piśmovaha abaviazacielstva, praduhledžanaha zakanadaŭstvam ab baraćbie z karupcyjaj», havorycca ŭ pastanovie.
31 lipienia stała viadoma pra zatrymańnie namieśnika načalnika BČ Siarhieja Sizina, a taksama hałoŭnaha inžyniera Biełaruskaj čyhunki Siarhieja Navadvorskaha.
Abodva nazvanyja kiraŭniki BČ źjaŭlajucca «vychadcami» ź Viciebskaha adździaleńnia Biełaruskaj čyhunki (NOD-6).
Siarhiej Sizin byŭ namieśnikam načalnika BČ z 2017 hoda, na hetaj pasadzie jon kuryravaŭ dziejnaść puciavoj haspadarki, haspadarak sihnalizacyi i suviazi, elektryfikacyi i elektrazabieśpiačeńnia.
Kamientary