Hramadstva2323

Šrajbman patłumačyŭ, čym lidarstva Cichanoŭskaj važnaje dla alternatyŭnaj Biełarusi

«Piersanalija lepš uvasablaje alternatyŭny prajekt Biełarusi».

Śviatłana Cichanoŭskaja

U novym vypusku jutub-kanała Carnegie Politica ekśpierta Bierlinskaha centru Karnehi Arcioma Šrajbmana paprasili patłumačyć, nakolki važna najaŭnaść lidara dla isnavańnia biełaruskaj apazicyi.

Pa słovach analityka, najaŭnaść u biełaruskaj apazicyi lidara ŭ asobie Śviatłany Cichanoŭskaj «maje dadanuju vartaść».

«Bieź jaje situacyja była b horšaj. Nie tamu, što jana niejkim cudadziejnym čynam arhanizuje dziejnaść apazicyi, i apazicyja stanovicca efiektyŭniej. Nie.

Prosta heta napramuju paŭpłyvała na mahčymaści alternatyŭnaj Biełarusi atrymlivać mižnarodnuju ŭvahu, łabiravać niejkija važnyja dla siabie pytańni, źviazanyja z takimi praktyčnymi temami, kštałtu zakrytych-adkrytych pahranpierachodaŭ, viz, adukacyjnych mahčymaściej, dyskryminacyi/niedyskryminacyi biełarusaŭ».

Artiom Šrajbman Arciom Šrajbman Artem Shreibman
Arciom Šrajbman. Skryn videa: carnegiepolitika / YouTube

Akramia hetaha, na pohlad analityka, «piersanalija lepš uvasablaje alternatyŭny prajekt Biełarusi».

«2020 hod, jaki ŭ cełym u zachodnim śviecie ŭsprymajecca jak paražeńnie Łukašenki na vybarach, daŭ hetuju dualnaść usprymańniu Biełarusi: jość adna Biełaruś, [a] jość Biełaruś alternatyŭnaja, jakaja pry inšych histaryčnych uvodnych chutčej za ŭsio źlijecca z realnaj, z toj, jakaja znachodzicca ŭnutry krainy, u jaje miežach, i maje niadrennyja šancy ŭznačalić [krainu]».

«Ja nie havaru kankretna pra Śviatłanu Cichanoŭskuju, a pra pradstaŭnikoŭ prademakratyčnaha padychodu — kali chočacie, ideałohii, — bo 2020 hod pakazaŭ vializny zapyt na alternatyŭny šlach raźvićcia», — udakładniaje analityk.

Šrajbman zaŭvažaje, što ŭ ciapierašnich umovach niama niejkaj palityčnaj baraćby, u jakoj lidarstva sapraŭdy maje značeńnie: «bolš-mienš lehitymnaje pradstaŭnictva maje značeńnie dla taho, kab u vostryja momanty prymać važnyja losavyznačalnyja rašeńni, jakija buduć pryznavacca ŭsimi ŭdzielnikami pratestu ci demakratyčnaha ruchu».

«Heta toje, čaho nie chapała biełaruskaj apazicyi ŭ 2020-m hodzie. Była niejkaja razhublenaść, było niejkaje nierazumieńnie, jak dziejničać dalej, była stałaja dekapitacyja kiraŭnictva apazicyj. Lidaraŭ sadžali, vyhaniali z krainy, novyja źjaŭlalisia, ich sadžali, i nie stvaraŭsia ŭstojlivy miechanizm kiravańnia hetym rucham.

Tamu ŭ hetym sensie nie toje, kab hetaje lidarstva było nieabchodna dla ŭnutranaj palityki ŭ Biełarusi, ale jano nieabchodna dla źniešniaj, jano biezumoŭna dapamahaje dypłamatyi», — tłumačyć Šrajbman.

Kamientary23

  • žoryk
    17.09.2024
    Artiom bałabolić, takaja praca. Śvieta z Frankam čakajuć zajechać na miesca Łukašenki. A narodu dumaj, jak vyžyć. Takaja palityka na Radzimie, jak nie kruci.
  • Hrantasmokam-analitykam
    17.09.2024
    Nie durycie nam hałavu! Šrajbman - supracoŭnik rasiejskaha kryła Karnehi ŭ Berlinie (Carnegie Russia Eurasia Center). Vysnovy rabicie sami.
    Dla takich Šrajbmanaŭ mienavita "alternatyŭnaja" Biełaruś vyhodnaja ź Cichanoŭskaj ci bieź jaje, bo heta daje jamu pracu i hrošy. Nam, biełarusam, patrebnaja svaja adzinaja Biełaruś. Biez Łukašenki i biez kultaŭ Cichanoŭskich i inšych žadajučych pasiadzieć na našym karku. My - narod, a nie statak, jaki hladzić u rot niejkamu lidaru-viertuchaju.
  • Bienia
    17.09.2024
    Ostałoś utočniť količiestvo žiełajuŝich uznať mnienije chabada.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Asudžany za «Hajun» da chimii brat Ihara Łosika ŭciok ź Biełarusi1

Asudžany za «Hajun» da chimii brat Ihara Łosika ŭciok ź Biełarusi

Usie naviny →
Usie naviny

«Pakul pašpart dziejničaje». Emihranty pra toje, ci nie strašna im adpraŭlać u Biełaruś dziaciej na letnija kanikuły1

Žychary rajcentra ŭ Viciebskaj vobłaści hadami skardziacca na drennuju vadu

Rasija naroščvaje vytvorčaść «šachiedaŭ» i nieŭzabavie zmoža zapuścić 2000 za adnu noč11

U Italii 78-hadovy mužčyna «ažyŭ» praz 30 chvilin paśla spynieńnia serca4

U Ciumienskaj vobłaści «hieroj SVA» zabiŭ svaju žonku ŭ dzień viasiella11

«Chacieŭ vyratavać chacia b niejkuju kolkaść ludziej». Dačka biełarusa, zatrymanaha pa spravie «Biełaruskaha Hajuna», raskazała pra baćku6

«Nievierahodny śpiektakl kryvadušnictva». Dźmitryj Hurnievič aburyŭsia ažyjatažam vakoł skandału na kancercie Coldplay25

Biełaruskaja handbalistka budzie hulać za zbornuju Rumynii

Dla biełaruskaha fiestyvalu vyrabili trochmietrovy chot-doh FOTAFAKT9

bolš čytanych navin
bolš łajkanych navin

Asudžany za «Hajun» da chimii brat Ihara Łosika ŭciok ź Biełarusi1

Asudžany za «Hajun» da chimii brat Ihara Łosika ŭciok ź Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić