TASS apisała, jak ludzi z Kurskaj vobłaści viartajucca ŭ razrabavanyja USU damy. Ale ŭ tym horadzie stajała tolki rasijskaja armija
«Žychary pryhraničnych rajonaŭ Kurskaj vobłaści vymušany viartacca ŭ pustyja damy z-za rabavańniaŭ i maradziorstva vajennasłužačych Uzbrojenych sił Ukrainy», — napisała TASS. Rasijskaje dziaržaŭnaje ahienctva pryviało jak prykład vypadak, jaki naśmiašyŭ navat z-błohieraŭ.
«Maje znajomyja ŭ Hłuškova viarnulisia. Usio ŭ domie pasiečana, pieraviernuta, niešta USU z saboj zabrali. Časam ludzi pryjazdžajuć u damy z absalutna hołymi ścienami», — raspaviała ahienctvu TASS fielčar atrada «Bars-Kursk» z pazyŭnym Ryś.
Hety tekst pierapościŭ rasijski vajenkar, aŭtar telehram-kanała «Romanov Łajt» Uładzimir Ramanaŭ.
Da hetaha tekstu błohier dadaŭ tolki karotki kamientar: «US Ukrainy nie zachodzili ŭ Hłuškova. Zusim».
Ukraincy nie zmahli ŭziać Hłuškova. Nie zdoleŭšy prabicca da horada, kamandavańnie USU vyvieła va Ukrainu vojski z Hłuškoŭskaha rajona.
Zatoje vypadki maradziorstva ŭ Kurskaj vobłaści rasijskich vajskoŭcaŭ byli šyroka zadakumientavanyja na videa.
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary