MNS abvinavaciła ŭ zadymleńni Homielskaj vobłaści Ukrainu, ale pramaŭčała pra Rasiju
Ułady ŭpieršyniu publična pryznali, što zadymlenaść u Homielskaj vobłaści nie źviazanaja z pažarami ŭ ekasistemie na terytoryi samoha rehijona. Ale i praŭdu pra sapraŭdnuju pryčynu nie paviedamili, piša «Fłahštok».
«Dym dachodzić da nas z boku Ukrainy z-za bušujučych tam pažaraŭ», — havorycca ŭ materyjale haziety «Homielskaja praŭda» sa spasyłkaj na ŭpraŭleńnie MNS Homielskaj vobłaści.
Taksama adznačana, što 30 vieraśnia — 1 kastryčnika ŭ Homielskaj vobłaści byŭ likvidavany adzin tarfiany pažar na płoščy 0,0012 ha na terytoryi Jelskaha rajona. Ale hety i inšyja pažary nie źviazanyja sa smuhoj u Homieli, bo ichnija maštaby niedastatkovyja dla takoha klimatyčnaha efiektu.
Na karcie pažaraŭ, zafiksavanych u vieraśni 2024 hoda na terytoryi pamiežža Ukrainy i Rasii, vidać bujnyja ačahi ŭzharańniaŭ. I choć bolš ačahoŭ sapraŭdy zafiksavana na terytoryi Ukrainy, na terytoryi Rasii pažary nosiać pastajanny i masavy charaktar.
Homielskija ŭłady praihnaravali hety fakt i nie nazvali Rasiju pryčynaj situacyi.
Miaža pamiž rasijskaj Branskaj i ŭkrainskaj Čarnihaŭskaj abłaściami (jana ž i dziaržaŭnaja miaža Rasii i Ukrainy) haryć praktyčna pa ŭsioj svajoj praciahłaści z-za ŭzajemnych udaraŭ. Tušeńnie pažaraŭ u pamiežnaj zonie ŭskładniajecca nie tolki vykarystańniem dronaŭ, ale i pamiežnym miniravańniem.
Žychary Homiela skardziacca na mocny pach haru i smuhu. Ułady kažuć, što chvalavacca niama čaho
Začynić vokny, nie kuryć, nie jeści tłustaje. Minski centr hihijeny raskazaŭ, što rabić, kali na vulicy smoh
U Minsku adčuvajecca pach haru, a nieba zaciahnuta smuhoj
U Čarnobylskaj zonie novy pažar: pryciahnuli čatyry sotni ratavalnikaŭ
U Lelčycach Dzień horada praviali ŭ dymie z čarnobylskaj zony
Žychary centra i zachadu Biełarusi narakajuć na smuhu i pach haru. U Vilni raspaŭsiudzili tryvožnaje apaviaščeńnie. Što adbyvajecca?
Kamientary