U Rasii 72-hadovaha hramadzianina ZŠA asudzili na siem hadoŭ za najomnictva va Ukrainie
Sud u Maskvie prysudziŭ 72-hadovaha hramadzianina ZŠA Styviena Chabarda da 6 hadoŭ 10 miesiacaŭ kałonii ahulnaha režymu. Jaho pryznali vinavatym pavodle artykuła ab najmictvie, piša Radyjo Svaboda».
U Chabarda taksama kanfiskavali jaho hrošy — 142 tysiač hryŭniaŭ (3 400 dalaraŭ). Prakuratura patrabavała prysudzić amierykanca da siami hadoŭ pazbaŭleńnia voli. Sprava razhladałasia ŭ zakrytym režymie. Śćviardžajecca, što Chabard pryznaŭ vinu.
Pa viersii śledstva, uradženiec Mičyhana Styvien Chabard z 2014 hoda žyŭ va Ukrainie. Paśla pačatku poŭnamaštabnaha rasijskaha ŭvarvańnia jon ustupiŭ u šerahi terytaryjalnaj abarony. U krasaviku hetaha hoda jon nibyta trapiŭ u pałon.
U traŭni hetaha hoda ŭ fejsbuku ŭ profili karystalnika pad imiem Tryša Chabard Foks źjaviŭsia zapis, u jakim havorycca, što jaje brat Styvien Džejms Chabard byŭ «vykradzieny va Ukrainie amal try hady tamu». Jana śćviardžaje, što ŭ sietcy jość jak minimum dva videa, na jakich jon źviazany i źbity.
Kamientary