Małady milicejski načalnik nahadaŭ śviataram Ščučynščyny pra adkaznaść za čytańnie niezaležnych ŚMI
U Ščučynskim rajvykankamie dla katalickich i pravasłaŭnych śviataroŭ miascovyja čynoŭniki praviali palitinfarmacyju.
Staršynia rajvykankama Alaksiej Sadoŭski nazvaŭ hety farmat «dziełavoj naradaj śvieckaj ułady i duchoŭnaj ułady», paviedamlaje rajonnaje vydańnie «Dziańnica».
Śviatary daviedalisia, što treba pryvivacca ad hrypu, u chramach pavinna być sistema pažarnaj biaśpieki, a maładoje pakaleńnie treba vychoŭvać.
Małady staršy opierupaŭnavažany, vykonvajučy abaviazki načalnika kryminalnaha vyšuku RAUS Uładzisłaŭ Chmialeŭski abaznačyŭ i «asnoŭnyja momanty pracy ŭ častcy supraćdziejańnia ekstremizmu i teraryzmu».
Pad ekstremizmam i teraryzmam milicyjant, vidavočna, razumieje čytańnie i raspaŭsiudžvańnie kantentu niezaležnych biełaruskich ŚMI.
«Akcent byŭ zrobleny na adkaznaści za rehistracyju na internet-resursach, pryznanych ekstremisckimi, raspaŭsiudžvańni ekstremisckich materyjałaŭ u hłabalnaj sietcy Internet», — pieradaje jaho słovy rajonka.
Paśla dakładaŭ čynoŭnikaŭ kožny z prysutnych śviataroŭ moh zadać svajo pytańnie i abmalavać isnujučuju prablemu.
Kamientary