Pjany minčuk pasprabavaŭ uhnać mašynu, ale nie zmoh jaje zavieści. A ranicaj pračnuŭsia pad płotam i pajšoŭ na pracu
Zatrymali nieščaślivaha ŭhonščyka ŭ toj ža samy viečar. Akazałasia, jon prosta chacieŭ pakatacca.
Adnojčy nočču 20-hadovy minčuk pad hradusam špacyravaŭ u centry stalicy. U dvary Jurydyčnaha kaledža BDU na Kamsamolskaj jon prykmieciŭ pryparkavanuju mašynu Suzuki, i ŭ chłopca ŭźnikła niepieraadolnaje žadańnie pakatacca.
Jon pieralez praz płot, raźbiŭ akno aŭto cahlinoj i zalez u sałon. Tam jon znajšoŭ źviazku klučoŭ, adnak nivodnaja ź ich da zamka zapalvańnia nie pasavała, pišuć «Minsk-Naviny».
Tady chłopiec pasprabavaŭ zavieści mašynu adkrutkaj — taksama nie vyjšła. Pravałam skončyłasia i treciaja, kiniematahrafičnaja, sproba — zavieści aŭto šlacham złučeńnia dvuch pravadoŭ nie atrymałasia.
Rasčaravaŭšysia, chłopiec zabraŭ z sałona sadovuju rydloŭku i pajšoŭ. Adnačasova jon źbiŭ z budynka kaledža kamieru nazirańnia.
Ranicaj mužčyna pračnuŭsia pad płotam u centry horada i pajšoŭ na pracu — minčuk pracavaŭ malarom-tynkoŭščykam na dziaržpradpryjemstvie. Načnyja pryhody jon pamiataŭ ćmiana. Ale ŭviečary, užo doma, jaho zatrymali.
Chłopiec pryznaŭ vinu. Akazałasia, što jon pryčyniŭ mašynie škodu na sumu ŭ 3400 rubloŭ.
Sud pryznaŭ minčuka vinavatym u zamachu na niepravamiernaje zavałodańnie transpartnym srodkam i pajezdku na im biez mety kradziažu i pryznačyŭ jamu adzin hod papraŭčych rabot z utrymańniem 20% zarobku. Da kryminalnaj adkaznaści chłopiec da hetaha nie pryciahvaŭsia.
Sudziać žychara Bresta, jaki addana naviedvaŭ palityčnyja pracesy. Jon uśmichajecca navat u sudzie6
Kamientary