Ranicaj 19 kastryčnika adbyŭsia maštabny zboj u pracy nacyjanalnaj enierhasietki ŭ Nihieryi, ludzi va ŭsioj krainie zastalisia bieź śviatła, paviedamlajuć miascovyja ŚMI. U mnohich štatach abvieščana ab poŭnym adklučeńni elektraenierhii, prytym heta ŭžo treci błekaŭt za tydzień.
«Pradpryjemstvy i chatnija haspadarki praciahvajuć ciarpieć z— za pierabojaŭ z elektrazabieśpiačeńniem u krainie na fonie vysokaha koštu i niedachopu paliva», — adznačajuć miedyja.
Mahčymymi pryčynami zbojaŭ nazyvajucca techničnyja prablemy, źviazanyja z pracaj infrastruktury abo vysokim popytam.
Pavodle infarmacyi vydańnia The Nation, usie 22 enierhietyčnyja pradpryjemstvy spynili svaju dziejnaść. Ułady krainy pakul nie nazyvali terminy adnaŭleńnia padačy elektryčnaści.
Z pačatku 2024 hoda heta ŭžo vośmy zboj pracy enierhasistemy Nihieryi. U lipieni ŭsia terytoryja krainy taksama zastavałasia bieź śviatła.
Taksama ŭčora źjaviłasia infarmacyja, što ŭ padobnaj situacyi ŭ vyniku avaryi na hałoŭnaj CEC apynułasia Kuba.
«Piakielnaje śviata vyjšła. Z achviaraprynašeńniem». Žychary Vałožyna paviedamlajuć pra raspravu nad katami i sabakami10
Kamientary