Łukašenka choča, kab biełarusy budavali žyllo ŭ niepierśpiektyŭnych vioskach
Alaksandr Łukašenka ličyć, što biełarusaŭ treba padšturchoŭvać da vioski.
Nieabchodna stvarać umovy, kab biełarusy čaściej budavali žyllo ŭ vioskach. Pra heta Alaksandr Łukašenka zajaviŭ 21 kastryčnika na naradzie pa pytańniach raźvićcia daroh i transpartnaj infrastruktury.
«Treba ŭsio ž našych biełarusaŭ pavolna pavaročvać, padšturchoŭvać da taho, kab jany ŭ siołach, niepierśpiektyŭnych vioskach ci chutarach, dzie zaŭhodna, kuplali ŭčastki. Heta ŭsio ž amal paŭhiektara ŭčastak. A jość šmat učastkaŭ, dzie nikoli ludzi nie žyli, ale tam možna pabudavać žyllo. I bahatych ludziej dastatkova, niebahatych, ale žadajučych pabudavać žyllo ŭ vioscy, kab dzieci ŭ ich pa travie mahli chadzić basanož kožny hod», — skazaŭ Łukašenka.
Jak padličyła «Lusterka», za apošnija 30 hadoŭ z karty Biełarusi źnikła amal 1700 nasielenych punktaŭ. U siarednim kožny sa 118 rajonaŭ našaj krainy kančatkova straciŭ užo 14 viosak. Mnohija vioski pakul jašče nibyta isnujuć — ale ŭžo zusim biez žycharoŭ. U pieryjad kiravańnia Alaksandra Łukašenki, piša vydańnie, źnikajuć navat tyja nasielenyja punkty, jakija zmahli adnavicca paśla źniščeńnia nacystami ŭ hady Druhoj suśvietnaj vajny.
Kamientary