Izrailskaja dziaŭčyna vyratavałasia padčas napadu CHAMASa na fiestyval, ale praz hod skončyła žyćcio samahubstvam
Izrailcianku Šyrel Hałan, jakaja vyžyła pry napadzie terarystaŭ CHAMAS na muzyčny fiestyval Nova 7 kastryčnika 2023 hoda, ranicaj 20 kastryčnika 2024 hoda znajšli miortvaj u dvary jaje doma niedaloka ad Nietanii. Akurat u hety dzień Šyrel spoŭniłasia 22 hady, piša The Times of Israel.
U minułym kastryčniku Šyrel była razam ź siabram na muzyčnym fiestyvali Nova, jaki prachodziŭ u pustyni pobač z kibucam Reim na poŭdni Izraila, kali na jaho napali terarysty CHAMAS.
Spačatku jana ź siabram sprabavała vyjechać ź fiestyvalu na mašynie, ale biespaśpiachova. Jak raskazvała sama Šyrel, jany niekalki hadzin chavalisia ŭ kustach i ledź nie sieli ŭ inšuju mašynu — usie 11 jaje pasažyraŭ u vyniku byli zabityja abo vykradzienyja terarystami. Urešcie vybracca ź miesca napadu siabram dapamoh palicejski.
Paśla pieražytaha ŭ Šyrel pačali prajaŭlacca simptomy posttraŭmatyčnaha razładu (PTSR), uklučajučy dysacyjacyju i adčužeńnie, paviedamili jaje svajaki.
Adzin sa starejšych bratoŭ Šyrel Ejal (usiaho ŭ siamji było piaciora dziaciej, Šyrel była małodšaj) raskazaŭ, što jahonaja siastra ŭsio macniej apuskałasia ŭ depresiju i zusim nie chacieła vychodzić z domu. Šyrel dvojčy špitalizavali ŭ psichijatryčnuju kliniku, ale aficyjna dyjahnaz PTSR, sa słoŭ siamji, joj tak i nie pastavili.
Pavodle jaho, maci Šyrel była vymušanaja daterminova pajści na piensiju, kab być pobač z dačkoj. Jon raskazvaje, što siamja nie adychodziła ad Šyrel «ni na milimietr», a adziny raz, kali jany pakinuli jaje adnu, adbyŭsia ranicaj u jaje dzień naradžeńnia. Šyrel pavinna była adpravicca z baćkami da Ściany Płaču, ale nie zachacieła, skazaŭšy, što zastaniecca spać doma. A paśla zdaryłasia trahiedyja.
Na fiestyvali Nova 7 kastryčnika zahinuli bolš za 360 čałaviek. Jašče dziasiatki byli zachoplenyja terarystami ŭ zakładniki. Usiaho ŭ vyniku napadu CHAMAS na Izrail u kastryčniku minułaha hoda zahinuli kala 1200 čałaviek, jašče 250 apynulisia ŭ pałonie.
Paleścinskija žurnalistki atrymali premiju ŭ hadavinu napadu na Izrail. Aleksijevič padtrymała ich
Izrail abjaviŭ, što šeść zakładnikaŭ u Hazie znojdzieny miortvymi, adzin ź ich rasijanin
Izrail vyzvaliŭ zakładnicu, kadry vykradańnia jakoj raźlacielisia pa śviecie
Znajšli cieła Šani Łuk, jakaja zahinuła ad ruk terarystaŭ CHAMAS
U napadzie na Izrail udzielničała 190 supracoŭnikaŭ AAN — źlity dakumient raźviedki
Baćki Šani Łuk, čyjo fota ablacieła śviet, paviedamili, što dziaŭčyna pamierła
«Navat padčas vajny adčuvaju siabie bolš abaronienaj, čym u Biełarusi». Biełaruska raskazała, jak ciapier žyviecca ŭ Izraili
«Maje siły skončylisia»: Valaryna Kustava raskazała, čamu źbiraje na dapamohu svajoj siamji13
Kamientary
Po faktu eta istorija nastolko stara i zaputana, čto lubaja informacija ottuda, v adries nas, nieśvieduŝich, eto 100% manipulacija nami, dažie jeśli fakty izłožiennyje vierny.
Čto do etoj staťji, to IMCHO jeŝie odna žiertva bližnievostočnoj nienavisti druh k druhu dvuch kultur.