«Treba budzie skakać vyšej!» — Łukašenka ahučyŭ «hałoŭnaje abiacańnie» narodu pierad vybarami
Pra heta jon skazaŭ na naradzie pa APK.
Alaksandr Łukašenka padčas dakłada ab efiektyŭnaści pracy ahrapramysłovaha kompleksu ahučyŭ hałoŭnuju zadaču i abiacańnie biełaruskim hramadzianam u pieradvybarčy pieryjad, piša BiełTA.
«Idučy da ludziej siońnia z ekzamienam (jany ŭ nas prymuć ekzamien za piacihodku), my pavinny skazać, što my zrobim. Kankretna. Voś i ŭsia palityka. A pryhoža havaryć my ŭsie ŭmiejem. U nas, napeŭna, dziasiatkaŭ piać (čałaviek), jakija pryhoža mohuć prezientavać, niešta skazać. Heta treba ŭmieć palityku, budučamu prezidentu. Ale hałoŭnaje — heta kankretnyja spravy: što ty zrobiš», — padkreśliŭ Łukašenka.
Razvažajučy pra pytańni raźvićcia ahrapramysłovaha kompleksu, Łukašenka adznačyŭ, što ŭ krainie ŭžo šmat zroblena, nabyty dośvied, ale važna vyznačycca z dalejšymi krokami.
Jon taksama źviarnuŭ uvahu, što jakaść ajčynnych praduktaŭ charčavańnia cenicca i za miažoj, i navat kiraŭniki dziaržaŭ časam prosiać jaho prysłać što-niebudź na probu.
«Tamu my navučylisia heta rabić. Ale pakul my vyjšli na niejkuju haryzantalnuju pramuju i vyšej skakać nie možam. A treba budzie skakać. I heta naša hałoŭnaja zadača i abiacańnie biełaruskim hramadzianam u hety pieradvybarčy pieryjad», — zajaviŭ Łukašenka.
Kamientary