Bolš za 100 šachiedaŭ zajšło ŭ Biełaruś ź lipienia: ich kolkaść raście
Siońnia nočču my pierasiekli ŭmoŭnuju miažu ŭ 100 šachiedaŭ, jakija zalacieli ŭ Biełaruś pačynajučy z 11 lipienia.
100-m staŭ dron, jaki zalacieŭ siońnia a 00:41, a ŭsiaho na hety momant ź lipienia ŭ pavietranuju prastoru Biełarusi zajšli jak minimum 106 šachiedaŭ, 1 dron typu Supercam i 1 «arłan», piša Biełaruski Hajun.
Za hetyja 3,5 miesiaca my štodnia nazirajem ekspanientny rost hetych zachodaŭ, hladzicie sami:
- lipień — 9 štuk
- žnivień — 12
- vierasień — 27
- kastryčnik — 49
I ŭžo 9 štuk zalacieła ŭ listapadzie.
Akramia hetaha, za čas nazirańnia paćvierdžana, što na terytoryi Biełarusi było źbita/ŭpała 6 šachiedaŭ (i jašče adzin upaŭ u Łatvii, pralacieŭšy ≈500 km praź Biełaruś).
Kolkaść ža tych, što byli łakacyjna stračanyja ŭžo dasiahnuła 28 štuk — heta ŭ svaju čarhu značyć, što prosta ciapier dzieści ŭ Biełarusi mohuć valacca dziasiatki dronaŭ, jakija raźbilisia.
I jość usie padstavy mierkavać, što zachody šachiedaŭ u pavietranuju prastoru Biełarusi buduć nie tolki praciahvacca, ale i ich častata budzie raści.
Ciapier čytajuć
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary