Jeŭrapiejskaja kamisija pavinna patrabavać ad Minska strohaha vykanańnia mižnarodnych standartaŭ pa budaŭnictvu AES, kali źjaŭlajucca sumnieńni ŭ biaśpiecy hetaha prajekta,ličyć litoŭski eŭraparlamentar Justas Paleckis, jaki pracuje ŭ kamitecie JEP pa achovie navakolnaha asiarodździa, a taksama źjaŭlajecca členam delehacyi pa suviaziach ź Biełaruśsiu.
Pradstaŭnik Litvy pierakanany, što pytańnie biaśpieki budaŭnictva AES u Biełarusi taksama źjaŭlajecca prablemaj ES.
«Jeŭrakamisija paabiacała ŭvažliva sačyć za rašeńniami pa AES, a Litva abaviazana ab hetym pastajanna nahadvać Bruselu» -- adznačyŭ jeŭraparłamientar.Pa słovach Paleckisa, Litva pavinna vynieści hetaje pytańnie na abmierkavańnie ŭ Bruseli. «Zabaranić abo spynić budaŭnictva AES u Biełarusi inšaja kraina i ES nie maje prava, ale Orchuskaja kanviencyja i pryłady adnosinaŭ ES-Biełaruś dajuć mahčymaść kantralavać biaśpieku pry prajektavańni i budaŭnictvie» -- adznačyŭ Ju.Paleckis.
Orchuskaja kanviencyja abaviazvaje ŭklučyć hramadskaść u praces pryniaćcia rašeńnia ab budaŭnictvie takich abjektaŭ, čaho ŭ Biełarusi nie adbyłosia, havorycca ŭ paviedamleńni jeŭraparłamientara. Palityk taksama adznačyŭ, što padčas sustreč z pradstaŭnikami niaŭradavych arhanizacyj Biełarusi jamu raspaviali ab parušeńni mižnarodnych ekałahičnych normaŭ na miescy budaŭnictva budučaj AES. A vyvučeńnie ŭździejańnia na navakolnaje asiarodździe pravodziłasia paviarchoŭna.
Ju. Paleckis taksama raskrytykavaŭ arhanizavanuju Ministerstvam achovy navakolnaha asiarodździa Litvy prezientacyju vynikaŭ acenki ŭździejańnia na navakolnaje asiarodździe Biełaruskaj AES. Pavodle jaho słoŭ, Ministerstva nie kiravalisia pryncypami Orchuskaj kanviencyi, zhodna ź jakimi infarmacyja ab uździejańni AES pavinna być dastupnaj i zrazumiełaj. Ju. Paleckis adznačyŭ, što hramadskaść šyroka nie infarmavałasia ab hetym mierapryjemstvie, jano prachodziła ŭ nieprystasavanym dla hetaha pamiaškańni, a pierakład byŭ niajakasnym. «Hetaja prezientacyja, na žal, mnie čymści nahadała mierapryjemstva ŭ Astraŭcy, u Biełarusi» -- skazaŭ Ju. Paleckis. Eŭraparlamentar pracuje ŭ kamitecie JEP pa achovie navakolnaha asiarodździa, a taksama źjaŭlajecca členam delehacyi pa suviaziach ź Biełaruśsiu.
-
Rute: Vajskoŭcy krain NATA źjaviacca va Ukrainie adrazu paśla zaklučeńnia mirnaha pahadnieńnia
-
Naŭsieda: Ja budu siarod tych, chto najbolš žorstka patrabuje padaŭžeńnia sankcyj ES suprać Biełarusi
-
Bił i Chiłary Klintan pahadzilisia dać pakazańni Kanhresu ab suviaziach z Epštejnam. Admova pahražała im kryminalnaj spravaj
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»27
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary