Saakašvili ŭznaharodziŭ rehbistaŭ, što pieramahli Rasiju, ordenam Honaru
Hruzija tradycyjna mocnaja ŭ hetym vidzie sportu.
Prezident Hruzii Michaił Saakašvili ŭznaharodziŭ čalcoŭ nacyjanalnaj zbornaj pa rehbi i ich treniera ordenami Honaru za pieramohu ŭ subotnim matčy nad kamandaj Rasii.
«Hruzinskija zaŭziatary nazvali ŭčorašni matč – matčam honaru. Chaču pieradać usim udzielnikam matču ordeny Honaru», – skazaŭ prezident.
Akramia taho, naroŭni z premijaj Fiederacyi rehbi Hruzii rehbisty atrymajuć dadatkovuju premiju za pieramohu. Taksama, pavodle Saakašvili, zhodna z pryniatym razam z meryjaj rašeńniem, budzie vydzieleny ŭčastak ziamli, na jakim budzie pabudavany dom dla rehbistaŭ.
«Chaču ščyra padziakavać vam za toje, što vy zrabili ŭ subotu», – skazaŭ Michaił Saakašvili.
Prezident Hruzii siońnia padpisaŭ novuju prezidenckuju prahramu raźvićcia rehbi. U ramkach hetaj prahramy budzie paskorana budaŭnictva stadyjonaŭ dla rehbi ŭ Batumi, Kutaisi, Tbilisi i Poci.
Letam u Batumi projdzie turnir pa rehbi siarod kamandaŭ krain pryčarnamorskaha basiejna.
Kamientary