Biełaruskaja bijatłanistka Darja Domračava stała šostaj ŭ ahulnym zaliku Kubka śvietu-2009/2010, nabraŭšy 770 bałaŭ. U minułym siezonie jana była siomaj z 776 bałami. U 2008 hodzie Domračava zaniała 26-y radok.
U hetym siezonie spartsmienka vyjhrała svaje pieršyja honki (sprynt i pieraśled u finskim Konciałachci), dvojčy była druhoj (u spryncie i pieraśledu ŭ narviežskim Chołmienkolenie) i dvojčy treciaj (u indyvidualnych honkach u šviedskim Estersundzie i na Alimpijadzie ŭ Vankuviery).
Ludmiła Kalinčyk z 363 bałami zakančvaje siezon na 27-m miescy (u 2009 hodzie — na 72-m z 45 bałami). Nadzieja Skardzina — 30-ja z 323 ačkami (była 38-j z 179), Volha Kudrašova — 54-ja z 87 (33-ja z 229), Volha Nazarava — 74-ja z 27 (39-ja sa 174), Ludmiła Anańka — 78-ja z 23 (77-ja z 27).
Kubak śvietu ŭ žančyn zavajavała niemka Mahdalena Nojnier (933 bały). U mužčyn pieramohu atrymaŭ narviežac Emił-Chiehle Śviendsien (828 bałaŭ).
Siarhiej Novikaŭ zaniaŭ 26-je miesca z 346 bałami (hod tamu 42-je z 182), Rustam Valiulin — 56-je z 94 (30-je z 279), Jaŭhien Abramienka — 70-je z 51 (107-je z 1 bałam), Alaksandr Syman — 74-je z 45 (66-je z 73), Uładzimir Čapielin — 96-je z 16 bałami, Michaił Siamionaŭ — 103-je z 10, Vital Ćvietaŭ — 110-je z 5.
U ahulnym zaliku Kubka nacyj žanočaja zbornaja Biełarusi zaniała šostaje miesca (hod tamu vośmaje), mužčynskaja — 11-je (10-je). Heta aznačaje, što ŭ honkach nastupnaha siezonu, jak i adychodziačaha, Biełaruś moža vystaŭlać pa šeść žančyn i pa piać mužčyn.
U žančyn Kubak nacyj vyjhrali niemki, u mužčyn — narviežcy. U zalik išli vyniki sprynterskich, indyvidualnych i estafietnych (za vyklučeńniem źmiešanych) honak.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary