Niepał budzie dazvalać padymacca na Evierest tolki daśviedčanym alpinistam
U Niepale buduć vydavać dazvoł na ŭzychodžańnie na najvyšejšuju ŭ śviecie viaršyniu Evierest tolki alpinistam, jakija majuć vopyt zavajavańnia choć by adnoj z 7000-mietrovych himałajskich viaršyniaŭ. Prajekt novaha zakona, jak zajaŭlajecca, nakiravany na źnižeńnie pierapoŭnienaści i pavyšeńnie biaśpieki, piša Reuters.
Niepał, jaki ŭ značnaj stupieni zaležyć ad alpinizmu, trekinhu i turyzmu, raniej trapiŭ pad krytyku za toje, što dazvoliŭ zanadta šmatlikim alpinistam, u tym liku niespraktykavanym, sprabavać uzyści na pik vyšynioj 8849 mietraŭ.
Heta časta pryvodzić da doŭhich čerhaŭ alpinistaŭ u «zonie śmierci» — vobłaści pad viaršyniaj ź niedastatkovaj kolkaściu pryrodnaha kisłarodu dla vyžyvańnia. U vialikaj kolkaści śmierciaŭ na hary abvinavačvajuć jaje «pieranasielenaść».
U 2023 hodzie, kali Niepał vydaŭ 478 dazvołaŭ, na schiłach Evieresta zahinuli 12 alpinistaŭ, jašče piaciora źnikli bieź viestak. Letaś zahinuli 8 alpinistaŭ.
Zhodna z prapanavanym zakonam, dazvoł na ŭzychodžańnie na Evierest budzie vydavacca tolki paśla taho, jak alpinist padaść dokazy taho, što jon padniaŭsia choć by na adnu 7000-mietrovuju haru ŭ Niepale.
Apieratary mižnarodnych ekśpiedycyj zaklikajuć Niepał dazvolić zavajavańnie luboj 7000-mietrovaj viaršyni, a nie tolki tych, što znachodziacca ŭ Himałajach, dla atrymańnia dazvołu na ŭzychodžańnie na Evierest.
«U hetym niama nijakaha sensu. Ja b taksama dadaŭ u hety śpis hory, jakija blizkija da 7000 mietraŭ i jakija šyroka vykarystoŭvajucca dla padrychtoŭki, takija jak Ama-Dabłam, Akankahua, Dena i inšyja», — skazaŭ Łukas Furtenbach z aŭstryjskaj kampanii Furtenbach Adventures, jakaja arhanizuje ekśpiedycyi.
Na Eviereście znajšli pareštki alpinista, jaki źnik 100 hadoŭ tamu
Samaja vysokaja ŭ śviecie hara praciahvaje nadalej raści
Evierest ačyściać ad śmiećcia pry dapamozie dronaŭ
«Stabilna 2-3 vypadki ŭ hod, kali ja na miažy śmierci». Prosty chłopiec ź vioski «zachvareŭ» na alpinizm i zmoh zrabić z chobi biznes
«Našy hory pačali śmiardzieć». Alpinistaŭ, jakija łaziać na Evierest, abaviazali prybirać za saboj fiekalii
Ciapier čytajuć
Kaardynatara pošukavaha atrada «Anioł» pasadzili za palityku2
Kamientary