Infarmacyja ab mahčymym abviaščeńni 18-ha krasavika dniom nacyjanalnaj žałoby ŭ Biełarusi źjaviłasia ŭ internecie.
Žurnalist Andrej Pačobut siońnia źmiaściŭ u svaim błohu infarmacyju ab tym, što ułady płanujuć abviaścić niadzielu 18-ha krasavika dniom nacyjanalnaj žałoby ŭ pamiać ab achviarach avijakatastrofy pad Smalenskam. Spadar Pačobut spasyłajecca na nadziejnyja nieaficyjnyja krynicy.
U toj ža čas pres-sakratar kiraŭnika Biełarusi, Pavieł Lohki, paviedamiŭ «NN», što ab mahčymym abviaščeńni žałoby pakul ničoha nie viedaje. «Kali takaja infarmacyja źjavicca, my adrazu ž jaje ahałosim», -- adznačyŭ P.Lohki.
Nahadajem, što Biełaruś zastajecca adzinaj krainaj – susiedkaj Polščy, jakaja pakul nie abviaściła nacyjanalnaj žałoby. 10 krasavika ŭ avijakatastrofie pad Smalenskam zahinuŭ prezident Polščy Lech Kačynski, jaho žonka Maryja, pradstaŭniki palityčnaj elity krainy, pradstaŭniki siemjaŭ achviar Katyni i kamanda pavietranaha sudna – ahułam 96 čałaviek.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary