Pra heta zajaviŭ ministr enierhietyki RF Siarhiej Šmatko.
Pierahlad hazavych kantraktaŭ z Ukrainaj nie paciahnie za saboj karekciroŭku pahadnieńniaŭ ź inšymi krainami, zajaviŭ žurnalistam 22 krasavika ministr enierhietyki Rasii Siarhiej Šmatko.
«Nie dumaju, što našy pieramovy z Ukrainaj pa hazie pavinny być padstavaj dla taho, kab pačać pierahladać praktyku našych uzajemaadnosin ź inšymi dziaržavami. My reahavać na takija zapyty nie budziem», — cytuje Šmatko RIA Novosti .
21 krasavika prezidenty Rasii i Ukrainy Dźmitryj Miadźviedzieŭ i Viktar Janukovič damovilisia ŭ Charkavie, što Ukraina atrymaje skidku na haz z Rasii ŭ 100 dalaraŭ pry canie 330 dalaraŭ za tysiaču kubamietraŭ i 30% — pry inšaj canie.
Na nastupnaj pres‑kanfierencyi Miadźviedzieŭ adkazaŭ na pytańnie, ci moža raźličvać Biełaruś na anałahičnuju ŭkrainskaj skidku na haz. Jon zajaviŭ, što Rasija hatova davać prefierencyi realnym partnioram, a nie tym, chto heta tolki dekłaruje. «Adna sprava — realnaje partniorstva, a inšaja sprava — dekłaravańnie namieraŭ. Adna sprava — damaŭlacca ab tym, kab pa‑surjoznamu pracavać, iści nasustrač adzin adnamu, dapamahać adzin adnamu, a inšaja sprava — prymać rašeńni ab pryjomie na pastajannaje miesca žycharstva ludziej, jakija stracili pracu. Heta roznyja rečy. Rabicie vyvad sami», — skazaŭ Miadźviedzieŭ.
Nahadajem, źvierhnuty prezident Kyrhyzstana Kurmanbiek Bakijeŭ, jaki ličyć siabie dziejnym kiraŭnikom dziaržavy, z 19 krasavika znachodzicca ŭ Minsku. Padčas sustrečy ź im 21 krasavika Alaksandr Łukašenka zajaviŭ, što vybary ŭ hetaj krainie nie pavinny prachodzić biez udziełu Kurmanbieka Bakijeva.
Pry hetym Łukašenka adznačyŭ: «Kali navat raniej niekatoryja palityki asobnych dziaržaŭ rabili bravurnyja zajavy, to siońnia vymušanyja pryznać, što situacyja tam (u Kyrhyzstanie. — BiełaPAN.) dalokaja ad narmalnaj». «I Dźmitryj Anatoljevič Miadźviedzieŭ niadaŭna zajaviŭ pra toje, što «my nie budziem supracoŭničać z novaj uładaj Kyrhyzstana da taho času, pakul jana nie lehitymizuje siabie, praviadzie vybary» i hetak dalej», — dadaŭ jon.
Kamientary