Arhkamitet pa praviadzieńni «Čarnobylskaha šlachu — 2010» zaklikaŭ ŭsie arhanizacyi admovicca ad samapijaru i pravieści šeście ŭ žałobnym farmacie.
Arhkamitet pa praviadzieńni «Čarnobylskaha šlachu — 2010» zaklikaŭ usie palityčnyja i hramadskija arhanizacyi admovicca padčas akcyi ad samapijaru i pravieści šeście vyklučna ŭ žałobnym farmacie. Pra heta havorycca ŭ śpiecyjalnaj zajavie arhkamiteta.
Nahadajem, »Čarnobylski šlach» pavinien adbycca 26 krasavika. Zbor udzielnikaŭ žałobnaha šeścia zapłanavany na 18.00 kala budynka prezidyuma Akademii navuk. Paśla hetaha adbudziecca šeście da Čarnobylskaj kaplicy. Akcyja dazvolena Minharvykankamam.
Taksama arhanizatary zaklikajuć
admovicca ad partyjnych i arhanizacyjnych ściahoŭ i vykarystoŭvać padčas šeścia tolki nacyjanalnyja bieł‑čyrvona‑biełyja ściahi z čornaj stužkaj.
«My zaklikajem usie vystupy, usie materyjały, usiu simvoliku jakija buduć pramaŭlacca, razdavacca i vykarystoŭvacca padčas akcyi, pryśviacić mienavita atamnaj prablematycy i pytańniam abarony hramadzian Biełarusi ad nastupstvaŭ Čarnobyla», — havorycca ŭ zajavie.
«Pakolki ŭsie niezaležnyja demakratyčnyja arhanizacyi, što zajavili ab svaim namiery ŭdzielničać u šeści, padtrymali žałobny farmat praviadzieńnia akcyi, arhkamitet zajaŭlaje,
što za ŭsie mahčymyja pravakacyi padčas «Čarnobylskaha šlachu» buduć adkaznyja pradstaŭniki śpiecsłužbaŭ»,
— kanstatujecca ŭ zajavie arhkamiteta pa praviadzieńni «Čarnobylskaha šlachu».
Jak adznačyŭ sustaršynia arhkamiteta pa stvareńni partyi «Biełaruskaja chryścijanskaja demakratyja» (BCHD), adzin z zajaŭnikaŭ akcyi Vital Rymašeŭski, arhanizatary pierakananyja, što mierkavać ab pravakacyjnaści toj ci inšaj palityčnaj ci hramadskaj arhanizacyi možna budzie pa vynikach pavodzinaŭ jaje členaŭ padčas praviadzieńnia akcyi. «My majem usie šancy sapraŭdy pačać novy farmat praviadzieńnia takich mierapryjemstvaŭ, kali lidery buduć nie pijaryć svaje arhanizacyi, a ŭsiu svaju enierhiju, usie svaje siły prykładać dla vyrašeńnia prablem, jakija zakranajuć kožnaha biełarusa: zabrudžvańnie terytoryi našaj krainy radyjenuklidami, spažyvańnie zabrudžanych praduktaŭ, paharšeńnie zdaroŭja nacyi», — adznačyŭ Rymašeŭski.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary