Vypisali z balnicy treniera, čyja žonka zahinuła pry papadańni drona ŭ aŭtobus u Branskaj vobłaści ŭ červieni
Ź minskaj balnicy vypisali dziciačaha treniera Alaksieja Harošku, jaki paciarpieŭ padčas incydentu z aŭtobusam u Branskaj vobłaści Rasii ŭ červieni, paviedamlaje pres-słužba Ministerstva abarony.
Paviedamlajecca, što mužčyna prajšoŭ niekalki składanych apieracyj i dvuchtydniovuju reabilitacyju ŭ 432‑m Hałoŭnym vajskovym kliničnym miedycynskim centry. Paśla zaviaršeńnia stacyjanarnaha lačeńnia jaho vypisali, dalejšaje adnaŭleńnie budzie praciahvacca ambułatorna.
Miedyki adznačajuć, što lačeńnie takich pacyjentaŭ patrabuje sumiesnaj pracy roznych śpiecyjalistaŭ — chirurhaŭ, psichaterapieŭtaŭ i inšych daktaroŭ. Asobna padkreślivajecca važnaść psichałahičnaj padtrymki padčas reabilitacyi.
Pa słovach daktaroŭ, trenier bolš za ŭsio pieražyvaŭ nie za ŭłasnaje zdaroŭje, a za svaich vychavancaŭ, jakija taksama paciarpieli ŭ tym ža incydencie. Padtrymku jamu akazvali i kalehi, i baćki dziaciej, a sami junyja futbalisty zapisali videazvarot sa słovami padtrymki i pažadańniami chutčejšaha vyzdaraŭleńnia.
Miedyki paviedamlajuć, što stan pacyjenta dazvalaje praciahvać adnaŭleńnie doma. Sam Alaksiej Haroška adznačaje, što choča viarnucca da pracy i praciahnuć treniroŭki paśla poŭnaha adnaŭleńnia.
Pry hetym u siužecie čamuści abminajecca ŭvahaj, što padčas taho samaha incydentu ŭ tym aŭtobusie zahinuła žonka Alaksieja Haroški — 44‑hadovaja Viktoryja Hrycenka (Haroška).
17 červienia ŭ Branskaj vobłaści byŭ paškodžany aŭtobus, jaki pieravoziŭ dziaciej z futbolnaj kamandy dziciača-junackaj spartyŭnaj škoły №2 horada Rečycy, a taksama navučencaŭ pryvatnaj tancavalnaj studyi. Jak śćviardžajuć rasijskija ŭłady, udar byŭ nibyta naniesieny ŭkrainskim bieśpiłotnikam. Ukrainski bok svaju datyčnaść rašuča asprečvaje.
U vyniku zdareńnia zahinuła žančyna, jakaja supravadžała hrupu dziaciej i była žonkaj treniera kamandy — hetaha samaha Alaksieja Haroški. Jašče vosiem čałaviek, u tym liku šaściora dziaciej, atrymali traŭmy roznaj stupieni ciažkaści.
«Baču, niešta šeraje lacić. Atrymała askołak». Paciarpiełyja dzieci z aŭtobusa raspaviali, što zdaryłasia ŭ Branskaj vobłaści
Chłopčyk, jaki znachodziŭsia na ŠVŁ paśla incydentu ź biełaruskim aŭtobusam u Branskaj vobłaści, užo dychaje samastojna
U Minzdaroŭja raskazali pra stan paciarpiełych ad udaru drona ŭ Branskaj vobłaści
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Biełaruskija turfirmy terminova pieraroblivajuć aŭtobusnyja maršruty ŭ Hruziju — čas u darozie pavialičvajecca na 4‑5 hadzin
Kamientary
Artykuł 159 Kryminalnaha kodeksa łukašenki, častka 3:
Zaviedamaje pakidańnie ŭ niebiaśpiecy, ździejśnienaje asobaj, jakaja sama ź nieaściarohi abo z uskosnym namieram pastaviła paciarpiełaha ŭ niebiaśpiečny dla žyćcia abo zdaroŭja stan karajecca aryštam na termin da 6 miesiacaŭ, ci abmiežavańniem voli na termin da 3 hadoŭ, ci pazbaŭleńniem voli na toj ža termin sa štrafam.
Trenier musiŭ viedać, što ŭ Branskaj vobłaści, va ŭsich inšych abłaściach, praź jakija prachodzić daroha da Hielendžyka, u samim Hielendžyku idzie vajna. Karystacca VPN u jaho ŭzroście treby ŭmieć. Jon vyrašyŭ, što jany "prarvucca"? Tamu jon z uskosnym namieram zaviedama pastaviŭ dva dziasiatki dziaciej u niebiaśpieku. Skład złačynstva - vidavočny. Ci zaviadzie SK kryminalnuju spravu?
Čamu nie pišuć pra žonku? Vidavočna ž, kab nie razdźmuvać emocyi, bo ŭ Biełarusi cudoŭna razumiejuć, čyj kakošnik šyty biełymi nitkami ŭ hetym terakcie.