Pradstaŭnictva Jeŭrapiejskaha Sajuza ŭ Respublicy Biełaruś abviaščaje konkurs na temu adnosin pamiž ES i Biełaruśsiu ŭ 2010 hodzie. Da ŭdziełu ŭ konkursie zaprašajucca žurnalisty biełaruskich i zamiežnych ŚMI.
Konkurs pravodzicca z metaj pašyreńnia i padtrymki prafiesijnaha aśviatleńnia pytańniaŭ, źviazanych z raźvićciom adnosinaŭ pamiž Jeŭrapiejskim Sajuzam i Respublikaj Biełaruś.
Naminacyi konkursu:
1. Najlepšy infarmacyjny materyjał
(repartaž, infarmacyjnaje paviedamleńnie, intervju).
2. Najlepšy analityčny materyjał
(artykuł dyskusijnaha, analityčnaha abo tłumačalnaha charaktaru).
3. Najlepšaja fotapraca
(fatahrafija, fotarepartaž).
Krytery acenki:
Adpaviednaść tematycy konkursu;
•Aryhinalnaść infarmacyi (infarmacyjny fakt, infarmacyjnaja nahoda);
Adpaviednaść pryncypam padačy navin;
Aryhinalnaść;
Sposaby dasiahnieńnia efiektu prysutnaści (dla repartažaŭ);
Aŭtarski styl.
Try lepšyja pracy ŭ kožnaj naminacyi buduć adznačanyja pryzami:
I miesca — noŭtbuk,
II miesca — abstalavańnie dla fota‑ ci videazdymki,
III miesca — ličbavy dyktafon.
Paradak praviadzieńnia konkursu
Na konkurs prymajucca žurnalisckija pracy na biełaruskaj ci ruskaj movie, što źjavilisia ŭ ŚMI z 1 studzienia pa 15 kastryčnika 2010 h. uklučna. Apošni termin pryjomu prac na konkurs — 15 kastryčnika 2010 h. (pa paštovym štampie).
Adzin aŭtar moža padać nie bolš za adnu pracu ŭ kožnuju z naminacyj i nie bolš za try pracy ŭ troch naminacyjach.
Pracy, što padajucca na konkurs, pavinny być vykananyja ŭ dobraj techničnaj jakaści (aryhinał publikacyi abo kopija). Aŭdyjo i videa materyjały prymajucca na ličbavych nośbitach (CD i inšyja). Onłajn publikacyi pradstaŭlajucca ŭ razdrukavanym vyhladzie z ukazańniem naŭprostavaj spasyłki na publikacyju ŭ sietcy Interniet. Usie materyjały pavinny ŭtrymlivać datu vychadu publikacyi i pavinny być zavieranyja redakcyjnaj piačatkaj i podpisam kiraŭnika redakcyi.
Aŭtar taksama pavinien padać karotkuju infarmacyju pra siabie, u tym liku kantaktnyja źviestki.
Pracy na konkurs prymajucca pad podpis abo pa pošcie zakaznym listom (z paznakaj «Konkurs dla žurnalistaŭ») na adras: Pradstaŭnictva Jeŭrapiejskaha Sajuza ŭ Respublicy Biełaruś, vuł. Enhielsa 34a, Budynak 2, Minsk, 220030, Biełaruś.
Pracy pieramožcaŭ i ŭdzielnikaŭ konkursu nie viartajucca.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary