Ministerstva zamiežnych spraŭ Biełarusi ŭručyła notu časova pavieranamu ŭ spravach ZŠA ŭ Biełarusi Džonatanu Muru.
Ministerstva zamiežnych spraŭ Biełarusi ŭručyła notu časova pavieranamu ŭ spravach ZŠA ŭ Biełarusi Džonatanu Muru. U joj vykazvajecca pratest z nahody nievykanańnia amerykanskim bokam abaviazacielstvaŭ u zabieśpiačeńni biaśpieki hramadzian Biełarusi, jakija znachodziacca ŭ ZŠA pa linii amerykanskaha ŭradu. Analahičnuju notu ŭručyŭ u Vašynhtonie amerykanskamu Dziarždepartamentu ambasadar Biełarusi ŭ ZŠA Michaił Chvastoŭ. Pra heta paviedamlaje MZS Biełarusi.
U nocie havorycca, što ciaham apošnich miesiacaŭ adbylisia try trahičnyja incydenty ź biełaruskimi hramadzianami, jakija znachodzilisia ŭ ZŠA ŭ ramkach prahramy «Praca i padarožža letam», jakuju realizuje Dziarždepartament ZŠA. Biełaruski MZS vinavacić amerykanski bok u tym, što jon «nie moža ci nie choča zabiaśpiečyć biaśpieku hramadzian Biełarusi na terytoryi ZŠA». U hetaj suviazi biełaruski bok aceńvaje ŭmovy znachodžańnia biełaruskich studentaŭ ŭ ramkach zhadanaj prahramy «jak ekstremalnyja i absalutna nieprymalnyja». Jak dalej havorycca ŭ nocie, «u suviazi z najaŭnaściu vysokaj stupieni niebiaśpieki na terytoryi ZŠA dla žyćcia i zdaroŭja biełaruskich hramadzian, im budzie rekamendavana paźbiahać udziełu ŭ prahramie «Praca i padarožža letam».
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary