Ministerstva adukacyi raźličvaje raskryć patencyjał supracoŭnictva ŭ adukacyjnaj śfiery z KNDR. Adpaviednaje pahadnieńnie halinovyja viedamstvy padpisali padčas niadaŭniaha vizitu ŭ hetuju krainu Alaksandra Łukašenki.
«U ramkach pahadnieńnia praduhledžvajecca abmien i padrychtoŭka studentaŭ, praviadzieńnie stažyrovak prafiesarska-vykładčyckaha składu. My siońnia bačym vysoki ŭzrovień adukacyi ŭ halinie pryrodaznaŭčych, dakładnych, inžyniernych navuk. Biezumoŭna, tut nam jość čym padzialicca», — zajaviŭ ministr adukacyi Andrej Ivaniec.
Jon adznačyŭ, što ciapier vielmi šmat hramadzian Paŭnočnaj Karei vučycca ŭ Kitai i Rasii. Ale ŭ saviecki čas šmat studentaŭ z hetaj krainy atrymlivali adukacyju i ŭ Biełarusi.
«My ŭpeŭnieny, što hety patencyjał pavinien być raskryty», — skazaŭ ministr.
Pavodle jaho słoŭ, u pieršuju čarhu ŭ Paŭnočnaj Karei jość patreba ŭ padrychtoŭcy inžyniernych kadraŭ, a taksama śpiecyjalistaŭ u halinie pryrodaznaŭčych navuk. Jakija patreby budzie zakryvać biełaruskaja starana ŭ Paŭnočnaj Karei, čynoŭnik nie ŭdakładniŭ.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»34
Kamientary