U Mastoŭskim rajonie ŭ adnaho haspadara pčoły nie pieražyli zimu, to jon pajšoŭ kraści čužych
U Mastoŭskim rajonie mužčynu viarnuli kala 100 tysiač pčoł, jakich u jaho raniej skrali z pčalnika pobač ź vioskaj Damianiški. 68‑hadovy haspadar paviedamiŭ u milicyju, što ŭ jaho źnikli piać pčalinych siemjaŭ na sumu kala 1500 rubloŭ, paviedamlaje UUS Hrodzienskaha abłvykankama.

Padčas pravierki vyśvietliłasia, što da kradziažu maje dačynieńnie 70‑hadovy žychar susiedniaj vioski. Uzimku ŭ jaho zahinuli ŭłasnyja pčoły, tamu jon vyrašyŭ «kampiensavać» straty, zabraŭšy čužych. Mužčyna vyniaŭ z vullaŭ ramki z pčołami i pieravioz ich da siabie.

Adna pčalinaja siamja ŭ hety pieryjad moža naličvać ad 10 da 30 tysiač asobin, tamu ahulnaja kolkaść skradzienych pčoł dasiahała kala 100 tysiač.

Haspadar lohka paznaŭ svaich pčoł, bo sam rabiŭ dla ich ramki. Pčoł viarnuli ŭładalniku, a suprać padazravanaha raspačali kryminalnuju spravu za kradziež.
Kamientary