Pa biarozavy sok u Minsku vystrojvajucca vielizarnyja čerhi. Pakupniki prychodziać ź dziasiatkami 5‑litrovych butlaŭ
Užo niekalki dzion u Minsku pradajuć biarozavik. Cana pytańnia — 55 kapiejek.

I ŭsie hetyja dni ŭ hruzavikoŭ vystrojvajucca vielizarnyja čerhi. Ludzi napaŭniajuć da dziasiatka i bolš 5‑litrovych butelek, piša Blizko.by.
Adna z kropak aficyjnaha prodažu soku znachodzicca pa adrasie praśpiekt Dziaržynskaha, 103, kala zadniaha fasada HC «Tytan».
Voś takoje fota redakcyja Blizko.by zrabiła ŭ sieradu 25 sakavika. Tut možna razhledzieć bolš za try dziasiatki čałaviek, jakija vystrailisia ŭ čarhu da hruzavika Staŭbcoŭskaha lashasa.

Voś zdymki za čaćvier 26 sakavika, kadry zrobleny niezadoŭha da 12:00. Hruzavik jašče nie pryjechaŭ, ale ŭ čarzie dziažurać užo kala 70 čałaviek.


A voś siońniašnija kadry, 27 sakavika. Hruzavik pryjechaŭ i bahata (u dva šłanhi) razdaje biarozavy sok usim žadajučym. U čarzie my naličyli kala troch dziasiatkaŭ čałaviek. Adzin pakupnik na aŭtamabili napoŭniŭ adrazu paŭtara dziasiatka 5— i 6‑litrovych butelek. Ale bolšaść abychodzicca mienšymi abjomami: ad adnoj-dźviuch dvuchlitrovych da dźviuch-troch piacilitrovych.


Sok kaštuje 55 kapiejek za litr. Śpiašajciesia napoŭnić svaje butelki.
Kamientary