Za apošnija sutki ŭ Hrodzienskaj vobłaści padraździaleńni MNS 48 razoŭ vyjazdžali na roznyja vykliki. Siarod ich — 9 vypadkaŭ uzharańnia suchoj raślinnaści i adzin lasny pažar. U vyniku ahoń paškodziŭ bolš za 1,2 hiektara terytoryi.
Ratavalniki padkreślivajuć, što vypalvańnie suchoj raślinnaści stroha zabaronienaje. Za parušeńnie hetaha praviła praduhledžanaja administracyjnaja adkaznaść — štraf ad 10 da 30 bazavych adzinak (prykładna ad 450 da 1350 rubloŭ). Kali ž u vyniku ŭzharańnia budzie naniesiena značnaja škoda, moža nastupić i kryminalnaja adkaznaść.
Taksama ŭ MNS rajać u suchoje i vietranaje nadvorje nie raspalvać vohniščy i nie vykarystoŭvać adkryty ahoń.
Pakul naviedvańnie lasoŭ u Biełarusi nie zabaroniena, ale ŭ šerahu rehijonaŭ uviedzieny abmiežavańni. Jany dziejničajuć pa ŭsioj Hrodzienskaj vobłaści, amal va ŭsioj Bresckaj, a taksama ŭ asobnych rajonach Minskaj i Homielskaj abłaściej.
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca4
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1010
Kamientary