Pieravozčyk nie ŭziaŭ minčanku ŭ aŭtobus, bo ŭ jaje viza pačynała dziejničać praz čatyry hadziny. A da miažy było bolš
Biełaruska aburyłasia admovaj kiroŭcy, bo da Bresta jechać treba było čatyry hadziny, i pierad punktam propusku ŭ čarzie stajała bolš za 30 aŭtobusaŭ.
Biełaruska raspaviała ŭ Threads, što ŭviečary 18 krasavika płanavała jechać ź Minska ŭ Varšavu. Ale kiroŭca Ecolines nie ŭpuściŭ jaje ŭ aŭtobus, bo viza ŭ jaje pačynała dziejničać na nastupny dzień. Dziaŭčyna była aburanaja hetym — da miažy jechać było čatyry hadziny, a pierad punktam propusku «Brest» była aŭtobusnaja čarha, raskazvaje BGmedia.
Čamu minčanku nie ŭpuścili ŭ aŭtobus, choć viza pačynała dziejničać praz paru hadzin
Biełaruska ŭžo vydaliła svoj post u Threads, ale jaho skrynšot jość u BGmedia.
«Tolki što jany [Ecolines] mianie nie ŭpuścili ŭ aŭtobus da Varšavy, tamu što maja viza pačynajecca z 19.04.
Aŭtobus adpraŭlajecca 18.04 u 20:00, jechać da Bresta minimum 4 hadziny, na miažy bolš za 30 aŭtobusaŭ. Z čaho vynikaje, što miažu ja budu prachodzić 19.04. Adnak ni pa-dobramu, ni pa-kiepskamu vykonvać apłačanyja mnoju pasłuhi kampanija Ecolines admoviłasia.
Hrošy viartać jany admaŭlajucca. Niechta byŭ u takoj situacyi? Ci mahu ja padać na ich u sud?»
U kamientarach dziaŭčynie paraili pastupić nastupnym čynam: jechać u Brest na ciahniku ci zvyčajnym aŭtobusie, brać taksi da miažy, a ŭžo ŭ čarzie pierad punktam propusku «Brest» šukać hety aŭtobus Ecolines. A 00:00 19 krasavika, pavodle źviestak Dziaržpahrankamiteta, u čarzie stajała 38 aŭtobusaŭ. Tamu dziaŭčyna lohka b jaho zdahnała na miažy. Pryčym vyjechać mahła i ranicaj 19 krasavika.
Ci zrabiła tak aŭtarka vydalenaha pasta — nieviadoma.
Ecolines: da pieravozki dapuskajucca pasažyry tolki pry najaŭnaści dziejnaj vizy
Na sajcie ecolines.by u pačatku raździeła «Praviły pieravozki pasažyraŭ i bahažu na mižnarodnych rejsach» paznačana nastupnaje:
«Uvaha! Da pieravozki ŭ krainy, dzie ŭstanoŭleny vizavy režym, dapuskajucca pasažyry tolki pry najaŭnaści dziejnaj vizy, termin dziejańnia jakoj nie skončyŭsia na datu rejsa».
A ŭ punkcie №3 «Pravy i abaviazki pasažyraŭ i pieravozčyka» jość taki abzac:
«Na pasadcy pasažyr abaviazany pakazać sapraŭdnyja prajaznyja dakumienty, jakija dziejničajuć na momant pasadki ŭ aŭtobus. […] Pieravozčyk maje prava taksama admović u pajezdcy, kali ŭ ekipaža aŭtobusa jość padazreńni, što prajaznyja dakumienty mohuć vyklikać u pasažyra prablemy z pamiežnymi słužbami i zatrymku padčas prachodžańnia miežaŭ. […] Pieravozčyk maje prava admović u pajezdcy, kali termin dziejańnia dakumientaŭ nie nastupiŭ na momant pasadki ŭ aŭtobus».
Vychodzić, u hetaj situacyi Ecolines prytrymlivaŭsia svaich ža pravił.
Što kažuć ludzi
Kamientatary paćviardžajuć, što ŭ hetym pytańni Ecolines pryncypovy — nie voźmie ŭ aŭtobus bieź dziejnaj vizy. U ofisach kampanii pasažyraŭ pra heta papiaredžvajuć zahadzia.
Adnak, miarkujučy z paviedamleńniaŭ u pamiežnych čatach, u inšych pieravozčykaŭ takoj prablemy časta niama, kali da pačatku dziejańnia vizy zastajecca paru hadzin, a na miažy jość čerhi:
«My z synam jechali, u nas aŭtobus byŭ a 19:40 21 śniežnia, a viza pačynała dziejničać z 22 śniežnia. Usio narmalna, uziali».
«Jechali «Interkarsam». Viza z 01.08. Sieli a 20:00 31.07. Usio narmalna. U Breście byli tolki ŭ pačatku pieršaj hadziny».
Taksama karystalniki pišuć, što biełaruskija pamiežniki vizy nie praviarajuć. Tamu ŭ biełaruski punkt propusku možna zajechać i bieź dziejnaj vizy. Hałoŭnaje, kab jana pačała dziejničać na momant kantrolu ŭ jeŭrapiejskim punkcie propusku.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
Dla ich narmalna nie vypuścić ludziej raźmiacca kali aŭtobus staić u čarzie 30 hadzin - prybiralnia ž jość. 30 hadzin u kreśle bieź śviežaha pavietra - toje jašče mučeńnie. Pra vizu praz paru hadzin užo napisali. Hrubiać pastajanna, trochi zamieškaŭsia pasažyr z dakumientami ci niešta niedačuŭ ci nia viedaŭ - adrazu ŭrubajuć načalnika-sadysta. Z hubopa nabirajuć ich ci što