Čartarnuju prahramu pieralotaŭ ź Minska ŭ vjetnamski Dananh, jakaja pavinna była pačacca ŭ mai, niečakana admianili. Pra heta paviedamiŭ kansalidatar rejsa «AeraBiełServis», udakładniŭšy, što pryčyna — «arhanizacyjnyja pytańni».
Usie ŭžo zabraniravanyja tury ŭ hetym napramku buduć anulavanyja biez štrafaŭ. Zamiest hetaha turystam prapanujuć pieranieści pajezdki na inšyja kurorty z pramymi rejsami ź Minska. Siarod varyjantaŭ — Niačanh u Vjetnamie, vostraŭ Chajnań u Kitai, a taksama tajłandskija kurorty Pchukiet i Pataja.
Taksama razhladajecca mahčymaść inšaha maršrutu ŭ tuju miascovaść: spačatku pieralot ź Minska ŭ Niačanh, a potym unutrany rejs da Dananha.
Pieršapačatkova płanavałasia, što rejsy Minsk — Dananh — Minsk pačnuć vykonvacca z 10 maja, a tury buduć raźličanyja prykładna na 10—11 načej. Heta mahło stać trecim pramym avijanakirunkam ź Biełarusi ŭ Vjetnam.
Na siońniašni dzień ź Minska ŭžo jość pramyja rejsy ŭ Niačanh i na vostraŭ Fukuok. Pry hetym biełarusy mohuć naviedvać Vjetnam bieź vizy, kali znachodziacca ŭ krainie nie bolš za 30 dzion.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary