Biełaruskaja mytnia ŭznaviła pravierki tavaraŭ u ciahnikach «Kalininhrad-Maskva»
Biełaruskija mytnyja orhany ŭznavili pravierki zakonnaści pieramiaščeńnia pasažyrami kamercyjnych partyj tavaraŭ u ciahnikach dalokaha kiravańnia miž Kalininhradam i Maskvoj. Jak paviedamili 19 vieraśnia karespandentu IA REGNUM u presavaj słužbie Kalininhradzkaj čyhunki, pra ŭznaŭleńnie pravierak havorycca ŭ infarmacyjnym liście Paŭnočna-Zachodniaj mytnaj upravy, jaki pastupiŭ u rehijanalnuju dyrekcyju pa absłuhoŭvańni pasažyraŭ KČ.
Nijakich dadatkovych zabaronaŭ na tavary, što pieravoziacca ŭ Kalininhradzkuju vobłaść i nazad, mytnyja orhany Biełarusi nia ŭvodziać, - udakładniŭ pradstaŭnik KČ. Havorka idzie pra farmalnaje datrymańnie specyjalnaha mytnaha režymu pry pieramiaščeńni fizyčnymi asobami tavaraŭ praz terytoryju inšaj dziaržavy. Jon afarmlajecca prastaŭleńniem štampaŭ «Vyvaz u Rasiejskuju Federacyju dazvoleny» albo «Vyvaz u Kalininhradzkuju vobłaść dazvoleny» na tavarasupravadžalnych dakumentach. Da ich adnosiacca rachunki, tavarnyja kvitki abo bahažnyja kvitancyi.
Pry vyvazie z Maskvy mytnaje afarmleńnie pravodzicca na mytnym poście, raźmieščanym niepasredna na Biełaruskim vakzale, - adznačyli ŭ presavaj słužbie Kalininhradzkaj čyhunki.
Pry pajezdcy z Kalininhradu ŭ Maskvu analahičnaja pasłuha akazvajecca supracoŭnikami rasiejskaj mytni niepasredna na stancyi Nieścieraŭ – kali kamercyjnuju partyju tavaraŭ pasažyr viazie z saboj u vahonie, i na mytnym poście ŭ bahažnym adździaleńni Paŭdniovaha vakzału Kalininhradu, kali tavar pieravozicca ŭ bahažnym vahonie.
❏
Fota photo.bymedia.net
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary