Pamočnik prezidenta Rasii Juryj Ušakoŭ paviedamiŭ, što Uładzimir Pucin uviečary 8 maja praviadzie «siabroŭskuju viačeru» z Alaksandram Łukašenkam. Padčas jaje baki majuć abmierkavać pierśpiektyvy raźvićcia dvuchbakovych adnosin, a taksama mižnarodnyja i rehijanalnyja prablemy.
Ušakoŭ zajaviŭ, što Łukašenka z Pucinym damovilisia pravieści sustreču 8 maja padčas telefonnaj razmovy i Pucin, maŭlaŭ, zaŭsiody rady vizitam hościa ź Minska:
«Jany vyrašyli, što heta ŭdały momant pravieści, adśviatkavać razam hetuju datu i zaadno pahavaryć pa nadzionnych spravach, jakija nazapasilisia. My zaŭsiody rady vitać Alaksandra Ryhoraviča, jon časty hość u nas».
Raniej toj ža Ušakoŭ paviedamiŭ, što sioleta na śviatkavańnie 9 Maja ŭ Maskvu, kali nie ličyć Łukašenki, pryjeduć tolki try lidary mižnarodna pryznanych dziaržaŭ: prezident Łaosa Tchanhłun Sisulit, viarchoŭny praviciel Małajzii Ibrahim Ismaił i premjer-ministr Słavakii Robiert Fica.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary
Budiet dieńhi za eto prosiť.