Bankamat nie pryniaŭ u minčanki 100‑rublovyja kupiury. Va ŭsich banknot akazałasia adna asablivaść
U redakcyju MYFIN źviarnułasia Alena, jakaja sutyknułasia ź niečakanym abmiežavańniem. Biełaruska «skarmiła» bankamatu niekalki tysiač rubloŭ — častku ź ich bankamat «prahłynuŭ», a častku viarnuŭ i admoviŭsia prymać.
— Ja zmarnavała prykładna try hadziny, kab vyrašyć hetuju prablemu, — raspaviała Alena.
Jana chacieła pakłaści bujnuju sumu ŭ biełaruskich rublach na rachunak u Bank BiełVEB, ale bankamat viarnuŭ častku hrošaj.
Pry hetym na ekranie źjaviłasia paviedamleńnie pra toje, što bankamat nie prymaje kupiury ŭ 100 rubloŭ uzoru 2022 hoda. Mienavita takimi i akazalisia niepryniatyja hrošy Aleny.
— Ja patelefanavała ŭ słužbu padtrymki. Adzinaje, čym mnie dapamahli — heta paraili abmianiać hetyja kupiury ŭ kasie. Mnie pryjšłosia patracić svoj asabisty čas. Čamu ŭ Biełarusi nie naładžany pryjom usich kupiur? Heta ž našaja nacyjanalnaja valuta.
Bank: sprava ŭ sankcyjach
U adkazie na zapyt žurnalistaŭ MYFIN pradstaŭniki «Banka BiełVEB» patłumačyli, što situacyja nie źviazanaja ź jakaściu samich hrošaj, a maje zusim inšy charaktar.
Prablema zakranuła bankamaty zachodnich marak — Diebold Nixdorf i NCR. Hetyja pryłady patrabujuć śpiecyjalnaha abnaŭleńnia prahramnaha zabieśpiačeńnia, kab «paznavać» novyja biełaruskija banknoty.
Z-za mižnarodnych sankcyj amierykanskija i niamieckija vytvorcy spynili techničnuju padtrymku i pastaŭku abnaŭleńniaŭ PZ u Biełaruś i Rasiju. Heta zrabiła niemahčymaj danaładku starych madelaŭ pad novyja kupiury.
A voś bankamaty azijackich vytvorcaŭ, takich jak Hyosung (Kareja) abo GRG (Kitaj), pracujuć biez abmiežavańniaŭ i spakojna prymajuć «sotki» 2022 hoda.
U banku pacichu mianiajuć bankamaty na tyja, što poŭnaściu raspaznajuć usie biełaruskija banknoty.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary