Pradstaŭniki dźviuch krain mohuć sustrecca ŭ Isłamabadzie, kab adnavić mirnyja pieramovy, paviedamiła WSJ.
Photo by Win McNamee/Getty Images
Pavodle infarmacyi surazmoŭcaŭ vydańnia, ZŠA i Iran razam z pasiarednikami pracujuć nad adnastaronkavym miemarandumam z 14 punktaŭ, jaki vyznačyć paramietry pieramoŭ. Jany raźličany na adzin miesiac i nakiravany na spynieńnie kanfliktu.
Taksama važna viedać jašče niekalki momantaŭ pra hetyja pieramovy:
- Iran upieršyniu vykazaŭ hatoŭnaść abmiarkoŭvać svaju jadziernuju prahramu;
- abodva baki abmiarkoŭvajuć mahčymaść vyvazu častki iranskich zapasaŭ vysokaŭzbahačanaha ŭranu za miažu;
- padrabiaznaści adnosna praciahłaści spynieńnia ŭzbahačeńnia ŭranu abo mahčymaha vyvazu ŭzbahačanaha ŭranu z krainy pakul zastajucca niezrazumiełymi;
- u rabočym dakumiencie źmiaščajecca zaklik da Irana asłabić kantrol nad Armuzskim pralivam;
- ZŠA majuć namier źniać błakadu iranskich partoŭ padčas hetych 30‑dzionnych pieramoŭ;
- kali pieramovy buduć paśpiachovymi, miesiačny termin moža być praciahnuty pa ŭzajemnaj zhodzie;
- maštab źmiakčeńnia sankcyj zastajecca pradmietam dyskusij i moža sarvać pieramovy.
Niekalki hadzin tamu prezident ZŠA Donald Tramp znoŭ parazmaŭlaŭ z žurnalistami. Jon zajaviŭ, što čakaje paviedamleńnia ab rašeńni Irana adnosna miesiačnych pieramoŭ užo ŭ piatnicu ŭviečary.
«Vierahodna, siońnia ŭviečary ja atrymaju list. Pabačym, jak usio pojdzie. Chutka daviedajemsia», — skazaŭ jon.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary
Nieśmiarotnyja mierćviaki z "Pirataŭ Karybskaha mora" niervova zakusili hubu.