Kanapackaja i siłaviki rajać studentam i vypusknikam EHU, a taksama ich baćkam na ŭsialaki vypadak napisać u «kamisiju pa viartańni»
«Kab paźbiehnuć niavyznačanych i advolnych pravavych nastupstvaŭ na miescach».
Dvuchrazovaja sparynh-partniorka Alaksandra Łukašenki na prezidenckich vybarach Hanna Kanapackaja (ciapier pa pašparcie Truchanovič), jakaja ŭvachodzić u skład «kamisii pa viartańni» (aficyjna — Kamisija pa razhladzie zvarotaŭ hramadzian Biełarusi pa pytańniach ździajśnieńnia imi pravaparušeńniaŭ), dała paradu asobam, «datyčnym da dziejnaści EHU», u tym liku baćkam vypusknikoŭ i studentaŭ.
Hanna Truchanovič napisała, što na čarhovym pasiadžeńni kamisii ŭźniała pytańnie pra EHU — bo, na jaje dumku, skłałasia niavyznačanaja pravavaja situacyja dla supracoŭnikaŭ, studentaŭ, vypusknikoŭ i navat baćkoŭ, jakija płacili za navučańnie dziaciej.
Truchanovič papiaredziła prysutnych, što biez adzinaha viertykalna-viedamasnaha padychodu miascovyja pravaachoŭnyja orhany mohuć traktavać situacyju advolna, što pryviadzie da bolš surjoznych nastupstvaŭ, čym mierkavałasia pieršapačatkova.
Siłaviki i prapahandysty, jakija składajuć bolšaść składu kamisii, pryjšli da rašeńnia — chaj usie, datyčnyja da EHU, napišuć u kamisiju sami i spytajuć, ci parušali jany zakon.
«Liču nieabchodnym maksimalna raspaŭsiudzić hetu infarmacyju siarod zacikaŭlenych asobaŭ», — padsumoŭvaje Hanna Truchanovič.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak2
Kamientary
[Zredahavana]
Kstati, a čto tam s tvoim domom v prihorodie Vieny, jeŝio popał pod sankcii, kak u Sołov́jeva? Nado etu niedorabotku kabinietu ustraniť ☝️