«Budzie karysny pry zdačy ispytaŭ, zalikaŭ dy inšych katavańniaŭ»
U razhar ustupnaj kampanii i letniaj siesii kala univiersitetaŭ množacca abjavy pra mikranavušniki.
U razhar ustupnaj kampanii i letniaj siesii kala univiersitetaŭ množacca abjavy pra mikranavušniki.
Na vulicy Rumiancava akurat nasuprać hałoŭnaha korpusa Minskaha dziaržaŭnaha linhvistyčnaha univiersiteta ŭsie ścieny zaleplenyja abviestkami, adrasavanymi abituryjentam i školnikam. Im prapanujecca źziać u arendu, abo nabyć mikranavušnik. Jon, zhodna rekłamy, budzie vielmi «karysny pry zdačy ŭstupnych dy dziaržaŭnych ispytaŭ, zalikaŭ dy inšych katavańniaŭ».
Aŭtary abviestki dajuć numary telefonaŭ i ICQ.
Siońniašnija dy ŭčorašnija studenty kažuć, što pik papularnaści padobnych prystasavańniaŭ naziraŭsia hady čatyry tamu. Naprykład, u Hrodzienskim dziaržaŭnym univiersitecie imia Ja. Kupały mikranavušnik zdavali ŭ arendu za 30 jeŭra za hadzinu karystańnia. Ciapier takaja pasłuha kaštuje ŭ razy tańniej. Pa telefonach, paznačanych na abviestkach kala MDŁU, paviedamili, što arenda prystasavańnia na sutki kaštuje 30 tysiač biełaruskich rubloŭ (pryblizna 8 jeŭra). Nabyć kamplekt možna za 100 dalaraŭ.
Nahadajem, što vykarystańnie padobnych prystasavańniaŭ na lubych ispytach va ŭsich navučalnych ustanovach zabaronienaja.
Kamientary