У Польшчы беларус кіраваў грузавіком з больш як чатырма праміле алкаголю
У польскім горадзе Семяновіцэ-Слёнске суд у паскораным парадку вынес прысуд 44‑гадоваму грамадзяніну Беларусі, які сеў за руль грузавіка ў стане моцнага алкагольнага ап'янення, паведаміла мясцовая паліцыя.
Інцыдэнт адбыўся 29 ліпеня на тэрыторыі аднаго з мясцовых прадпрыемстваў. Беларус прыехаў туды для разгрузкі тавару. Пасля таго як ён прыпаркаваў аўтамабіль і выйшаў з кабіны, супрацоўнік аховы заўважыў, што кіроўца паводзіць сябе падазрона, і паведаміў пра гэта ў паліцыю.
Супрацоўнікі дарожнай паліцыі, якія прыбылі на месца, праверылі мужчыну на алкаголь. Экспертыза паказала, што ў яго арганізме было больш за чатыры праміле алкаголю. Пасля гэтага кіроўцу затрымалі і выставілі абвінавачанне ў кіраванні транспартным сродкам у нецвярозым стане.
Ужо на наступны дзень справа была разгледжаная судом у паскораным парадку. Суд прызнаў беларуса вінаватым і прысудзіў яму восем месяцаў пазбаўлення волі ўмоўна з выпрабавальным тэрмінам два гады.
Акрамя таго, мужчыну на пяць гадоў пазбавілі права кіраваць любымі механічнымі транспартнымі сродкамі. Ён таксама павінен выплаціць па 7 тысяч польскіх злотых (каля 1875 даляраў) у Фонд дапамогі пацярпелым і пасляпенітэнцыярнай дапамогі, а таксама ў выглядзе штрафу.
Пасля гэтага выпадку паліцыя звярнулася ў Памежную службу Польшчы з хадайніцтвам аб прыняцці рашэння аб прымусовым вяртанні грамадзяніна Беларусі ў краіну паходжання.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
Калі ў грузавіка было больш чым чатыры праміле алкаголю, то замест чаго залівалі ў яго алкаголь? Замест аніыфрызу ці замест паліву?)