Siońniašniaja niešmatlikaja niamieckamoŭnaja supolnaść praz 90 hadoŭ moža stać bolšaściu krainy.
Ekanamist i prafiesar statystyki Chiesus Fiernandes-Viljavierde ź Piensilvanskaha ŭniviersiteta vyklikaŭ ažyjataž u X svaimi raźlikami: nievialikaja niamieckamoŭnaja supolnaść u Balivii raście nastolki imkliva, što prykładna praz 90 hadoŭ moža stać bolšaściu nasielnictva krainy, piša Bild.
U siarednim adna balivijka naradžaje 1,56 dziciaci, adznačaje prafiesar. Adnak «nievialikaja mienšaść, mienanity, jakija razmaŭlajuć na płaŭdzičy (adnoj z raznavidnaściaŭ nižnieniamieckaj movy), maje značna bolš vysoki ŭzrovień naradžalnaści» — kala siami dziaciej na adnu žančynu, piša Fiernandes-Viljavierde ŭ X.
Kolkaść mienanitaŭ raście, a ahulnaja kolkaść nasielnictva ŭ ahladnaj budučyni budzie skaračacca.
U 1986 hodzie ŭ krainie žyli tolki kala 17,5 tysiačy niamieckamoŭnych mienanitaŭ. Siońnia ich užo prykładna 150 tysiač.
Kali hetaja tendencyja zachavajecca, to kolkaść mienanitaŭ vyraście ź ciapierašnich 150 tysiač prykładna da 5 miljonaŭ u 2116 hodzie.
«Tady jany składuć bolšaść nasielnictva Balivii», — kaža prafiesar.
Rezkaja roźnica va ŭzroŭni naradžalnaści šmat u čym źviazana z ładam žyćcia mienanitaŭ. Supolnaść prytrymlivajecca asablivaj formy pratestantyzmu, jakaja sfarmavałasia pačynajučy z XVI stahodździa ŭ Paŭnočnaj Hiermanii. Mienanity zaznavali pieraśled z boku tahačasnaj znaci i tamu emihravali. Praz Rasiju i Kanadu mienanity pierasialilisia dalej, u Paŭdniovuju Amieryku, a ź siaredziny XX stahodździa žyvuć taksama ŭ Balivii.
Fiernandes-Viljavierde, adnak, uličvaje, što pakazčyki naradžalnaści mohuć źmianicca, a rost supolnaści mienanitaŭ — zapavolicca. Akramia taho, «mnohija mienanity mohuć pakinuć svaju relihijnuju supolnaść», piša prafiesar. U takim vypadku častka supolnaści rastvorycca siarod pieravažna ispanamoŭnaha nasielnictva krainy.
Takim čynam, zusim nie pradvyznačana, što niamieckaja mova stanie daminantnaj u hetaj andskaj dziaržavie.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary
Sppašivajut u A.H.Łukašienko koppiespondienty:
- Aleksandr Hrihoŕjevič, a skolko vy jazykov znajetie?
- Piať, - otviečajet piervyj priezidient Biełoruśsii.
- Kak piať!?
- Hu, piepvyj - eto pusskij piśmiennyj, vtopoj - eto pusskij
ustnyj, tpietij - biełopusskij piśmiennyj, čietvieptyj -
biełopusskij ustnyj, piatyj - anhlijskij.
- A čto žie vy po-anhlijski znajetie?
- Chendie Choch...
- Tak eto žie po-niemiecki.
- Tohda šiesť.