У Тыбеце адбыўся землятрус, загінулі 16 чалавек, сотні дамоў разбураныя
Магнітуда склала сем балаў.
Як паведамляюць кітайскія дзяржаўныя СМІ, у горным раёне Тыбета адбыўся землятрус магнітудай сем, у выніку якога загінулі сама меней 16 чалавек, піша Бі-бі-сі.
Эпіцэнтр землятрусу прыйшоўся на павет Бачэн (акруга Нагчу) у ноч на чацвер. Гэты павет размешчаны за 400 км на паўночны ўсход ад Лхасы — адміністрацыйнага цэнтра Тыбета.
Улады аб'явілі рэжым надзвычайнай сітуацыі і накіравалі ў пацярпелы раён выратавальныя атрады. Таксама паведамляецца пра 32 параненых.
Як паведамляюць мясцовыя крыніцы, у зоне бедства разбурана 339 жылых дамоў, а ў самім рэгіёне практычна цалкам спынена падача электраэнергіі.
З-за каменяпадаў дарогі ў рэгіёне апынуліся перакрытыя, што абцяжарвае доступ выратавальных службаў да пацярпелых раёнаў.
Моцныя падземныя штуршкі таксама адчуваліся ў гарадах Чамдо і Ньінчы ў Тыбеце.
Менш за два месяцы таму Тыбет і Непал сур'ёзна пацярпелі ад маштабных паводак і апоўзняў, выкліканых абрушэннем ледавіка. Тады загінулі не менш за 1400 чалавек, а сотні людзей дагэтуль лічацца зніклымі без вестак.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары