U Smarhoni z «Nulavoha kiłamietra» prybirajuć Vilniu, Varšavu i ściahi susiedziaŭ
Kamunalniki pačali raźbirać dekaratyŭny znak na kalcavoj raźviazcy, jaki jašče siem hadoŭ tamu ŭstalavali jak simvał mižnarodnych suviaziaŭ.
Pra pačatak «abnaŭleńnia» dekaratyŭnaha ŭkazalnika na kalcavoj raźviazcy pa vulicy Savieckaj paviedamiła miascovaja rajonnaja hazieta «Śvietły šlach». Na apublikavanych zdymkach bačna, jak rabočyja zrezali nižnija šyldy z nazvami haradoŭ i ździrajuć kalarovuju abšyŭku ź mietaličnych karkasaŭ.
Kanstrukcyju ŭstalavali ŭsiaho siem hadoŭ tamu — u 2019-m, kali Smarhoń rychtavałasia prymać abłasny fiestyval-kirmaš «Dažynki». U tyja časy jašče publična kazali pra šmatviektarnaść, nie vajavali i nie kanfliktavali z susiedziami dy čakali jeŭrapiejskich turystaŭ.
Art-abjekt ujaŭlaŭ saboj kampazicyju sa steł, rasfarbavanych u kolery ściahoŭ susiednich krain i miascovaj simvoliki. Pakazalniki byli aformlenyja pa-biełarusku i pakazvali adlehłaść da stalic dziaržaŭ: da Vilni adsiul usiaho 77 kiłamietraŭ, da Minska — 100 kiłamietraŭ, da Varšavy — 440 kiłamietraŭ, da Talina — 554 kiłamietry, a da Maskvy — 680 kiłamietraŭ. Ukazalnika na Kijeŭ užo nie było, ale była steła, aformlenaja ŭ kolerach ściaha rajona, jakaja pakazvała na Kreva.
Jak patłumačyŭ namieśnik dyrektara pa vytvorčaści Smarhonskaj ŽKH Pavieł Butkievič, sami mietaličnyja apory vyrašyli nie znosić, ale ichniaje ideałahičnaje napaŭnieńnie źmienicca całkam.
«Kanstruktyŭna ŭkazalnik nie źmienicca, adnak jaho aformiać u kolery dziaržaŭnaj simvoliki, a raniejšyja nadpisy zamieniać na adlehłaści da abłasnych centraŭ Biełarusi. Akramia taho, da navahodnich i kaladnych śviataŭ kanstrukcyju dadatkova padśvieciać», — paviedamiŭ kamunalnik.
Praŭda, zaadno z «niedružalubnymi» Vilniaj, Varšavaj i Talinam pad nož pajšła i «bratniaja» Maskva — nie pakidać ža jaje adnu siarod biełaruskich abłasnych centraŭ!
-
U Biełarusi pradajecca redkaja manieta, jakuju možna vykarystoŭvać jak abjektyŭ u fotaaparacie. Što za jana?
-
U biełaruskaj kramie izrailskija avakada kaštujuć tańniej, čym ajčynnyja ahurki
-
Biełarusy raskazali, jak 20 dzion chadzili pa arktyčnaj hłuchmieni. Ciapier tam jość pieravały Vasila Bykava i Uładzimira Karatkieviča
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary