Śviet 5 5

Nashaniva.com

08.11.2026 / 11:37

Vens pačaŭ dystancyjavacca ad Trampa paśla parazy respublikancaŭ na vybarach i prasoŭvaje ŭłasny brend z prycełam na 2028 hod

Paśla parazy respublikancaŭ na pramiežkavych vybarach vice-prezident ZŠA Džej Dzi Vens zaklikaŭ skončyć vajnu ź Iranam, zaniacca cenami i pierahledzieć adnosiny ź Izrailem. Tak jon pačynaje farmulavać ułasnuju palityčnuju prapanovu na čas paśla Trampa, piša Reuters.

Džej Dzi Vens i Donald Tramp. Fota: AP Photo / Alex Brandon

Vens pačaŭ mianiać rytoryku jašče naprykancy vybarčaj kampanii. Reuters praanalizavała jaho vystupy ź vieraśnia i zaŭvažyła: vice-prezident amal pierastaŭ abhruntoŭvać padtrymku respublikancaŭ dasiahnieńniami Trampa. Zamiest hetaha jon havaryŭ pra ŭłasnyja pryjarytety — ekanamičnyja intaresy, strymanaść u zamiežnaj palitycy i hramadskuju biaśpieku.

Vajnu ź Iranam i departacyi, jakija stali klučavymi kirunkami palityki Trampa, Vens pieravažna abychodziŭ. Imia prezidenta ZŠA taksama zhadvaŭ redka.

Pavodle dvuch surazmoŭcaŭ Reuters, takaja źmiena była śviadomaj. Vens i jaho daradcy paličyli, što jamu varta zasiarodzicca na temach, u jakich jon moža vystupać jak samastojny i pierakanaŭčy palityk.

Paśla vybaraŭ 3 listapada, na jakich respublikancy stracili kantrol nad Kanhresam, Vens pajšoŭ dalej. U dopisie ŭ sacsietkach jon nazvaŭ vajnu ź Iranam pryčynaj parazy partyi i vykłaŭ prapanovy dla jaje adnaŭleńnia.

Vice-prezident zaklikaŭ chutka zaviaršyć kanflikt, zasiarodzicca na darahoŭli žyćcia, pieraacanić zamiežnyja suviazi i istotna pierahledzieć adnosiny ZŠA ź Izrailem. Heta byŭ pieršy vypadak, kali jon adkryta vystupiŭ za zakančeńnie vajny.

Tramp, naadvarot, praciahvaje abaraniać jaje. Choć jon pryznaŭ, što darahi bienzin praz vajnu paŭpłyvaŭ na vynik vybaraŭ, žurnalistam jon zajaviŭ: «Ja ničoha nie zrabiŭ by inakš».

Pazicyju Vensa padtrymaŭ Donald Tramp-małodšy i niekatoryja kansiervatyŭnyja sajuźniki. Sam prezident skazaŭ, što razumieje pohlad vice-prezidenta na vyniki vybaraŭ.

42‑hadovy Vens jašče nie abviaščaŭ pra ŭdzieł u prezidenckich vybarach 2028 hoda. Tramp taksama nie padtrymaŭ ni jaho, ni inšaha mahčymaha pierajemnika. Ale Vensa ŭžo ličać adnym z hałoŭnych patencyjnych pretendentaŭ.

Adnak ułasnyja vyniki Vensa taksama nie biassprečnyja. Respublikancy prajhrali ŭ štatach, dzie jon ahitavaŭ.

Hałoŭnaja zadača Vensa ciapier — zachavać padtrymku trampaŭskaha elektaratu i adnačasova pryciahnuć vybarcaŭ, niezadavolenych ciapierašniaj administracyjaj. Pry hetym ułasnaj ahulnanacyjanalnaj palityčnaj mašyny, supastaŭnaj z trampaŭskaj, jon pakul nie maje. Demakraty ž buduć źviazvać jaho, jak i luboha inšaha respublikanskaha kandydata, z palityčnaj spadčynaj Trampa.

Čytajcie jašče

Kamientary5

Prosta žychar

08.11.2026

Nu voś, navat najbližejšyja chaŭruśniki pačali advaročvacca ad Trampa. Rana ci pozna pryjdzie dzień, kali ŭ jaho padtrymku pierastanie vykazvacca i Paźniak.
I

08.11.2026

Eto žie połnoje liciemierije. Jeŝie niedielu nazad on ahitirovał za Trampa, połnosťju poddierživaju jeho prohrammu, vklučaja vojnu s Iranom i poddieržku Izraila, znaja čto iz-za etoho vyrośli cieny, čto eto niepopularno sriedi iźbiratielej, no prodołžał ahitirovať i poddierživať zajavlenija Trampa, čtoby byť jemu łojalnym. Eto užie napominajet voždizm, ili tot žie łukašizm, hdie važna połnaja łojalnosť, ispołnienije vsieho biespriekosłovno, hdie jesť tolko odno pravilnoje mnienije. S takim podchodom i takoj komandoj, kotoraja hotova ispołniať luboj tupoj prikaz svojeho lidiera, znaja pro problemy i ošibki, no nie ukazyvaja na nich, nie udivitielno čto riespublikancy proihrali vybory v Konhriess.
tam šmat chto staŭ śmialejšy

08.11.2026

I,
Ŭ jeŭropie taksama hłabalisty ŭźniali nasy.

Ciapier čytajuć

U centry Minska na skryžavańni taksist Wildberries pajechaŭ na čyrvonaje śviatło

Rasijan viartajuć na chakiejnyja čempijanaty śvietu. Biełarusaŭ pakinuli za bortam8 8