Jamu było 85 hadoŭ.
U Polščy pamior amierykanski akcior Stejsi Kič. Jahonaja žonka Małhažata Tamasi paćvierdziła hetuju infarmacyju vydańniu Variety.
Pavodle jaje słoŭ, Kič pamior «paśla praciahłaj i ciažkaj baraćby z surjoznym zachvorvańniem serca i sardečnaj niedastatkovaściu» ŭ siamiejnym domie ŭ Mahdalency.
Uołter Stejsi Kič naradziŭsia ŭ 1941 hodzie ŭ štacie Džordžyja ŭ siamji akcioraŭ, pieršapačatkova vyvučyŭsia na akciora.
Stejsi Kič viadomy pa rolach u filmach «Niebraska», «Novyja centuryjony», «Amierykanskaja historyja X», «Zołata», a taksama ŭ sieryjałach «Ucioki», «Bruklin 9-9», «Tajamnicy ciomnych džunhlaŭ».
Na postsavieckaj prastory jon viadomy pa detektyŭnym sieryjale «Majk Chamier», dzie syhraŭ pryvatnaha detektyva ź Ńju-Jorka, jaki nie hrebuje «brudnymi mietadami» ŭ svaich rasśledavańniach, ale pajadaje sercy ŭ žančyn. Sieryjał źniaty pa knihach Miki Śpilejna i kudy lepšy za knihi.
Apošniaj pracaj akciora stała rola baćki Džeja Kieli ŭ filmie «Džej Kieli» (2025), jakoha syhraŭ Džordž Kłuni.
Stejsi Kič byŭ čatyry razy žanaty, apošni šlub z 1986 hoda byŭ z polskaj madellu Małhažataj Tamasi. Kič pierabraŭsia ŭ Polšču, a para ŭsynaviła dvuch dziaciej.
Ciapier čytajuć
Papularnaja maładaja błohierka z Čerykava pamierła nieŭzabavie paśla naradžeńnia dziciaci2
Kamientary